麥當勞茄汁 | 相信大家久唔久都會食一次快餐，每次去麥當勞食薯條都一定要點茄汁，不過大家又有冇留意包裝上面有神秘數字？究竟呢啲1至12嘅數字代表咩？官方咁回應！
圖片來源：Instagram@viutv、mcdonaldshk | 撰文：Hedy
當大家食薯條嘅時候，都一定會點茄汁，喺呢個時候大家又有冇發現包裝上面嘅神秘數字呢？每一包茄汁嘅包裝下方都有由「A1」至「A12」嘅編號。唔少網民就猜測呢啲數字係代表茄汁嘅酸度，「A1」為最酸而「A12」就係最甜，究竟真相又係咪咁呢？而麥當勞舊茄汁由舊有以A字開頭嘅編號包裝，轉為以Cw開頭嘅包裝，大家又有冇攞過唔同編號嘅茄汁嚟實測吓呢？
麥當勞茄汁 | 官方公開回應！
即使有唔少網民猜測數字同茄汁酸度有關，甚至表示「A7」同「A8」編號嘅茄汁最好食。而近日官方亦都公開回應：「茄汁上面嘅編號，只係生產編號嚟㗎咋！」但其實麥當勞之前原來已經澄清過，表示茄汁上嘅數字同茄汁嘅甜酸度完全冇關係。而其他牌子嘅茄汁，其實都有印上生產編號，只係大家比較關注麥當勞嘅包裝茄汁。如果屋企仲有用唔晒嘅茄汁，不妨實測一吓！
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
