魷魚遊戲第三季 |《魷魚遊戲》第一季以及第二季都深受全球粉絲喜愛，究竟最後456號玩家成奇勳可唔可以如願終結遊戲？李政宰仲透露第三季嘅結局會令觀眾相當驚訝？即刻入內文睇第三季幾時上映喇！
圖片來源：官方圖片 | 撰文：Hedy
魷魚遊戲第三季 | 6月27日上線
由李政宰所飾演嘅成奇勳，今次為揭開真相而再度參與遊戲！大家仲記唔記得仲有邊幾位玩家呢，即刻帶大家重溫一次先！包括欠債兒子007號朴容植、神婆044號蔡菊姬、跨性別人士120號趙賢珠、母親149號張金子、懷孕媽媽222號金純熙、遊樂園畫家朴璟碩、加密貨幣YouTuber333號李名器以及海軍陸戰隊388號姜大虎！佢哋又會唔會可以終結呢個遊戲，生存到最後呢？而第三季將會喺6月27日於Netflix上線，星期五就有得睇喇！
魷魚遊戲第三季 | 衝擊力最大嘅遊戲登場！
喺第三季入面大家仲可以見到英熙以及哲秀登場，估計將會玩團隊跳繩嘅遊戲同紅綠燈有關嘅遊戲。同時預告片入面亦公開咗其中一個遊戲星空下的街頭，大家需要抽籤並穿上背心進行遊戲，導演黃東赫更強調呢個遊戲喺三季入面最誇張、衝擊力最大嘅遊戲，大家睇之前記得要有心理準備！而456號玩家成奇勳將會穿上西裝進入貴賓室，貴賓們嘅身分亦將會公開！究竟成奇勳會唔會被負責人仁昊擊潰呢，弟弟俊昊又會唔會可以成功搵到真相？
魷魚遊戲第三季 | 預告片
【INFO】 《魷魚遊戲第三季》 上線日期：2025年6月27日
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
