放假煩惱緊帶小朋友去邊到玩同放放電？除咗探索唔同景點地方，不妨考慮去親子酒店Staycation，大人小朋友都可以休息一下，同時又有得食有得玩。本文整理咗12間特色親子酒店客房，設計主題別樹一幟，同時提供充足小孩設施同活動，一定幫你踏上一個舒適又有趣嘅親子旅程，締造難忘嘅家庭回憶。
圖片來源：官方網站｜撰文：Cynthia
親子酒店2025 | 1. 港島香格里拉酒店
享受一敞奢華嘅家庭Staycation！港島香格里拉提供多個深深吸引小朋友嘅主提，包括深海寶藏、魔幻城堡、露營之旅主題等等，每間房都充滿童趣。
當中男孩子必選香港漫遊主題，可以喺附有個人名牌嘅電車設計雙層兒童床上，配合本地藝術家麥東記創作嘅壁畫，幻想漫遊香港。小朋友更可以爬上車箱上層連接滑梯滑下，一定玩得盡興。
女孩子一定會中意精靈花園主題嘅家庭套房，身置奇幻國度揮揮仙女棒，化身精靈喺迷人景色下茶聚。
【INFO】 《港島香格里拉酒店》 地址：香港特別行政區中區法院道太古廣場 價錢：每晚$17,190 起 立即預約
親子酒店2025 | 2. 富豪機場酒店
中意飛機嘅小朋友，一定要到訪富豪機場酒店。飛機主題客房可眺望飛機喺跑道升降，臨場感十足。入住小朋友更可獲贈機師制服，化身小機師，參與三十分鐘模擬飛行駕駛體驗，係衝上雲霄嘅初體驗。
【INFO】
《富豪機場酒店》
地址：香港赤鱲角香港國際機場暢達路9號
價錢：每晚$3,050起
立即預約
親子酒店2025 | 3. 香港富麗敦海洋公園酒店
富麗敦海洋公園精心設計多個人魚公主、海盜、獨角獸、深海侏羅紀等主題房間，小朋友可盡情享受歡樂假期。更有以熊貓為設計靈感嘅親子主題客房，佈置蒼翠茂盛，客人可以愜意享受一晚甜睡美夢。
【INFO】
《富麗敦海洋公園》
地址：香港香港仔海洋徑3號
價錢：每晚$3,433起
立即預約
親子酒店2025 | 4. 香港迪士尼樂園酒店
香港迪士尼樂園酒店採用維多利亞式嘅建築酒店，四處都係打卡位。入住更有唔同活動，可以同迪士尼人物互動。酒店設有室外兒童遊樂場，有城堡造型嘅遊戲設施、滑梯、小型攀爬，啱晒小朋友放電。
【INFO】
《香港迪士尼樂園酒店》
地址：離島大嶼山香港迪士尼度假區
價錢：每晚$1,190起
立即預約
親子酒店2025 | 5. 黃金海岸酒店
黃金海岸酒店打造童話般嘅夢幻國度，等一家人暫時遠離市區繁囂，訑享受天倫之樂。酒店有星夜露營、嘉年華及森林等主題，其中太空、公主主題客房更連海景露台，嘆下秀麗無比嘅海洋風光。
【INFO】 《黃金海岸酒店》 地址：青山公路1號 價錢：每晚$2,880起 立即預約
親子酒店2025 | 6. 香港愉景灣酒店
週末想去個小旅行唔一定要搭飛機，愉景灣酒店附近就係白教堂、愉景北商場、大白灣沙灘，可以一家人輕鬆逛逛。酒店有室外游泳池同小童俱樂部，小朋友一定玩得開心。如果0至12歲小童唔需要額外床位，入住係免費㗎。
【INFO】
《黃金海岸酒店》
地址：大嶼山愉景灣, 海澄湖畔路88號
價錢：每晚$1,596起
立即預約
親子酒店2025 | 7. 挪亞方舟度假酒店
想小朋友有個難忘嘅渡假體驗？挪亞方舟度假酒店係你嘅不二之選。家庭樂繽紛同星際∙翱翔主題客房設計溫馨非常受歡迎，蘑菇森林樂主題客房更有製作蘑菇玩偶工作坊，等小朋友發揮創意。
【INFO】
《挪亞方舟度假酒店》
地址：香港新界馬灣珀欣路33號
價錢：每晚$1,968起
立即預約
親子酒店2025 | 8. 香港荃灣帝盛酒店
設有旅遊探索家、公主王國、童話森林、等多個主題，絕對適合一家四口。住宿計劃可享兒童遊樂區高達半價優惠，免費使用酒店室外游泳池同「家庭旅遊貼心用品及設施」。
【INFO】
《香港荃灣帝盛酒店》
地址：香港九龍葵涌健全街28號
價錢：平均每晚$1,480起
立即預約
親子酒店2025 | 9. 帝景酒店
主題客房包括森林小樹屋、型格泥頭車、激鬥跑車、躍動音樂、遊戲王國極，全部都係小朋友至愛。而且超高CP值，入住可免費獲得20個夾公仔機代幣。
【INFO】
《帝景酒店》
地址：香港荃灣汀九青山公路353 號
價錢：平均每晚$1,250起
立即預約
親子酒店2025 | 10. 香港康得思酒店
親子童樂客房以兒童大使小熊貓康迪康康為主題佈置，有一張特色Dream Bed睡床同專為7歲或以下兒童而設嘅雙層床。仲有一個小廚房，可以同小朋友一齊準備美食。
【INFO】
《香港康得思酒店》
地址：九龍旺角上海街555號
價錢：平均每晚$3,096起
立即預約
親子酒店2025 | 11. 迪士尼探索家度假酒店
迪士尼探索家度假酒店異國風情滿滿，小朋友即將踏上一段刺激歷險。房間主打四個熱帶地區，散發濃濃探險氣息。
【INFO】
迪士尼探索家度假酒店》
地址：離島大嶼山香港迪士尼度假區
價錢：平均每晚$1,870起
立即預約
親子酒店2025 | 12. 萬麗海景酒店
萬麗海景酒店豐富入住體驗，舉辦好多好適合小朋友參加嘅活動，例如電動車同音樂劇工作坊，小朋友一定玩到唔捨得走。
【INFO】
《萬麗海景酒店》
地址：灣仔港灣道1 號
價錢：平均每晚$2,660起
立即預約
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
