紫花風鈴木 | 踏入新嘅一年，大家亦可以到近期大熱打卡點觀賞盛開嘅紫花風鈴木，喺香港都可以睇到一排排浪漫嘅粉紅色花海，超壯觀！即刻入內文睇地點同交通資訊啦！
圖片來源：SAUCE編輯部、康文署 | 撰文：Hedy
踏入1月又係賞花嘅好時間，而近日西貢西沙路旁嘅紫花風鈴木已經提早盛開！紫花風鈴木屬紫葳科落葉喬木，原產地分布喺墨西哥嘅西北部至阿根廷嘅西北部，樹高可達30米。花期喺春季，開花時花多葉少，密集嘅花朵將整個樹冠染成紫紅色，遠睇都有啲似櫻花，相當壯觀！
紫花風鈴木 | 西沙路賞花交通
連接西貢同馬鞍山嘅西山路兩旁嘅紫花風鈴木經已盛開，一排排粉紅色花海，襯托埋藍天白雲，好唯美～大家可以乘搭99、299X巴士，或者任何去GO PARK嘅巴士，並於馬牯纜落車。由於紫花風鈴木種植喺馬路旁，大家影相打卡嘅時候都要特別小心，以免發生意外！
紫花風鈴木 | 紫花風鈴木3大賞花地
除咗大熱嘅西沙路之外，荔枝角公園、天水圍公園以及屯門公園都可以欣賞到！當中分別栽種咗15棵至48棵紫花風鈴木，以天水圍公園種得最多！
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
