端午節2025 | 嚟緊嘅星期六(31日）將會係端午節，大家除咗可以喺屋企食粽之外，不妨帶埋小朋友去體驗吓扒龍舟賽事，更有節日氣氛！小編已經幫大家整理咗各區嘅香港各區嘅龍舟賽事！即刻入內文睇詳情啦～
圖片來源： 官方圖片| 撰文：Hedy
端午節好去處2025 | 1. 赤柱國際龍舟錦標賽
每年喺赤柱正灘舉行嘅龍舟賽事，絕對係唔少人都會去嘅地方！赤柱國際龍舟錦標賽將會於5月31日，端午節當日上演，賽道全長270米。今年共有190支隊伍報名參加，而且今年亦新增咗混合團組商行，大家都可以去現場爲健兒打氣加油！
【INFO】 《赤柱國際龍舟錦標賽》 日期：2025年5月31日 時間：09:00至17:00 地址：赤柱正灘赤柱龍舟訓練中心 交通： 巴士：6、 6X、63、65、73、260、973或14號到赤柱巴士總站後往赤柱警署方向步行約2分鐘 小巴 ：40、52號或16號至海風徑下車 ，步行約1分鐘
端午節好去處2025 | 2. 沙田龍舟競賽
沙田龍舟競賽每年端午節都會喺城門河上演激烈競賽，而大家今年就可以喺河畔花園對出嘅河岸觀賞賽事，共有30場賽事。除中龍、小龍比賽外，仲有鳳艇(小鳳)競賽項目，爲現時少數保留「鳳頭鳳尾」作賽嘅地方！
【INFO】 《沙田龍舟競賽》 日期：2025年5月31日 時間：08:00至13:00 地點：沙田城門河
端午節好去處2025 | 3. 2025大埔龍舟競賽暨龍舟嘉年華
今年端午節大埔區除咗舉辦龍舟競賽，今年更新增300米賽事，更爲熱鬧！仲設有多項嘉年華項目，包括樂高®認真玩®親子工作坊、《香港國安法》公布實施五周年展覽、美食街及遊戲攤位等。
【INFO】 《2025大埔龍舟競賽暨龍舟嘉年華》 日期：2025年5月31日 時間：08:00至16:00 地點：大埔海濱公園堤畔及方正花園
端午節好去處2025 | 4. 西貢區龍舟競賽嘉年華2025
2025西貢區龍舟競渡嘉年華將會喺5月31日於西貢碼頭海傍舉行，除咗海上賽事之外，西貢海濱公園亦舉辦陸上嘉年華，一齊感受龍舟競渡同中華傳統文化嘅魅力。
【INFO】 《西貢區龍舟競賽嘉年華2025》 日期：2025年5月31日 時間：08:00至14:30 地點：西貢碼頭海傍(龍舟競賽)、西貢海濱公園(嘉年華)
端午節好去處2025 | 5. 香港仔龍舟競渡大賽
香港仔龍舟競渡大賽至今已有百幾年歷史，而今年嘅賽事將會喺2025年5月31日舉行，仲會有48人同時划行嘅「大龍」，真係超值得到場感受吓現場熱烈嘅氣氛～
【INFO】 《香港仔龍舟競渡大賽 》 日期：2025年5月31日 時間：09:30至15:30 地點：香港仔海濱公園旁香港仔避風塘
端午節好去處2025 | 6. 大澳龍舟遊涌及競渡
大澳端午龍舟遊涌係香港特有嘅節慶活動，每年端午節大澳都會舉辦別具地方特色嘅「龍舟遊涌」活動。三個漁業行會以龍舟拖着載有神像嘅神艇，巡遊大澳嘅所有水道，為水陸居民祈求平安。這項帶有宗教色彩嘅端午傳統活動於2011年獲列入中國《國家級非物質文化遺產代表性項目名錄》。大家都可以嚟體驗吓～
【INFO】 《大澳端午龍舟遊涌》 日期：2025年5月30日至31日 時間：09:00至13:00（5月30日）；8:30至15:00（5月31日） *活動安排或因天氣及水流狀況而有所變動 地點：大嶼山大澳
端午節好去處2025 | 7. 屯門龍舟競渡
2025屯門龍舟競渡同樣都會喺5月31日舉行，今年更係「 #屯門區龍舟競賽委員會 」成立50周年，賽事同樣精彩！就算冇攞到入場門票嘅朋友，都可以喺附近欣賞！
【INFO】 《2025屯門龍舟競渡》 日期：2025年5月31日 時間：09:00至13:00 地址：屯門第四十四區青山灣避風塘
端午節好去處2025 | 8. 2025永明香港國際龍舟邀請賽
永明香港國際龍舟邀請賽將會有來自12個國家及地區，包括香港、內地、泰國、加拿大、埃及等頂尖龍舟隊伍。除此之外，尖東仲有全港最大型嘅日夜龍舟嘉年華，仲有應節嘅「龍舟美食街」、超萌嘅「Panda Friends@香港海洋公園」端午主題打卡熱點、啤酒樂園，同埋世界級「太陽馬戲團」雜技表演！
【INFO】 《永明香港國際龍舟邀請賽》 日期：2025年6月7日至6月8日 時間：08:00至19:00（星期六）08:00至18:00（星期日） 地址：尖沙咀東部海濱 《龍舟美食街》 日期：2025年5月31日2025年6月8日 時間：13:00至22:00 地點：尖沙咀星光大道 《「Panda Friends@香港海洋公園」端午主題打卡熱點》 日期：2025年5月31日至2025年6月8日 地點：尖沙咀星光大道
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
