消委會蚊怕水 | 夏天又準備到啦～鍾意戶外活動又或者去野餐就一定要做好防蚊措施，特別係屋企有小朋友就要必備蚊怕水！消委會推薦9款滿分蚊怕水，最平$55就買到，孕婦同小朋友都可以放心用！
圖片來源：官方圖片 | 撰文：Hedy
每逢夏天出街或者雨季後就一定會有好多蚊蟲，想避免小朋友畀蚊咬到紅腫就一定要幫佢哋噴蚊怕水！消委會測試市面上25款驅蚊劑，當中蚊怕水標示含有避蚊胺（DEET）、派卡瑞丁（picaridin）、含丁基乙酰基氨基丙酸乙酯（IR3535）、雪松油、含有野紅茄提取物等成分，每支由$18.9至$259不等，並以實驗室以及真人測試驅蚊劑效果，即刻一齊睇下邊幾款產品獲滿分啦！
真人測試結果
測試以實驗室方法「arm-in-cage」由真人實試各樣本嘅驅蚊效能，並以兩種蚊作測試，包括可傳播絲蟲病嘅致倦庫蚊以及可傳播革熱病毒嘅埃及伊蚊。測試員喺前臂皮膚塗抹驅蚊劑樣本，紀錄搽後半小時、1小時、2小時及4小時，唔同時間降落喺前臂皮膚嘅蚊數量，同完全冇搽驅蚊劑嘅情況下比較！計算得出嘅百分率愈高，代表驅蚊效能愈好！消委會發現近9成含避蚊胺（DEET）或派卡瑞丁（picaridin）樣本喺塗搽4個鐘後仍能提供80%或以上嘅保護，其中1款含DEET嘅樣本更是全部樣本中唯一喺測試入面冇任何蚊降落喺前臂皮膚，保護力最強！當中更有9款獲滿分推薦：
消委會蚊怕水推薦| 1. 萬寧避蚊胺驅蚊蟲噴霧
萬寧避蚊胺驅蚊蟲噴霧係實測入面性價比最高嘅滿分驅蚊劑，只需要$45就可以入手200毫升嘅蚊怕水，可以有效持久驅蚊長達10小時，有效驅蚊、蠓、蒼蠅及蚤多種蟲。噴霧更含有透明質酸、維他命E及天竺葵油成分同時令人感覺清新。
【INFO】 《萬寧避蚊胺驅蚊蟲噴霧》 價錢：港幣$45 原產地：中國
消委會蚊怕水推薦 | 2. 日本叮叮全效版配方驅蚊防蟲噴霧
日本叮叮全效版配方驅蚊防蟲噴霧帶清新柑橘香氣，只有70毫升，容量小巧便攜，就咁擺落袋都冇問題～採用品牌原創防叮配方Cipeller®PMD，其天然驅蚊成分PMD已獲美國疾病控制與預防中心(CDC)同美國國家環境保護局(EPA)等多國權威機構認可，有效全方位驅趕蚊、蠓、蚋、蜱、蠅！產品更經大學證實有效驅蚊長達8小時，家長就可以放心畀小朋友使用，無論係直接噴喺皮膚定係衣物上都冇問題～適合6個月以上嬰幼兒及大人使用。
【INFO】 《日本叮叮全效版配方驅蚊防蟲噴霧》 價錢：港幣$55 原產地：香港
消委會蚊怕水推薦 | 3. 3M Ultrathon 驅蚊膏
如果想減少重複塗抹，就可以使用3M™ Ultrathon™ 推出嘅含DEET嘅驅蚊膏，驅蚊功效長達12小時！3M Ultrathon 驅蚊膏獨特配方防水及防汗，就算小朋友跑到流晒汗，都可以帶畀你全天候保護，有效驅除蚊、鹿蜱、跳蚤等昆蟲！3M驅蚊膏亦都係測試入面一隻蚊都冇，絕對保護到你。
【INFO】 《3M Ultrathon 驅蚊膏》 價錢：港幣$55 原產地：美國
消委會蚊怕水推薦 | 4. 歐護防蚊液
歐護防蚊液適合戶外活動嘅時候使用，持久保護8小時，可以有效驅除登革熱以及寨卡病毒媒蚊等。無論係面部定係皮膚都可以使用，不過用係面部之前就要先將防蚊液噴喺手掌上，再均勻塗抹，避免接觸眼。
【INFO】 《歐護防蚊液》 價錢：港幣$67.7 原產地：墨西哥
消委會蚊怕水推薦 | 5. 歐護Picaridin防蚊液
歐護Picaridin防蚊液可以做到6小時有效防蚊之餘，又帶畀你清爽不黏膩嘅感覺，咁就唔怕噴完之後會覺得痴笠笠唔舒服～一支175毫升大容量咁就可以慢慢用，幫大家遠離昆蟲！
【INFO】 《歐護Picaridin防蚊液》 價錢：港幣$85 原產地：澳大利亞
消委會蚊怕水推薦 | 6. 曼秀雷敦低敏驅蚊乳液
曼秀雷敦低敏驅蚊乳液成分溫和，通過敏感測試，無論係小朋友、孕婦以及敏感肌膚都可以使用，大人小朋友都啱！無味道之餘質地又清爽，有效時長可達6小時有效驅趕蚊子、虱子和螨蟲蚊、蠓、蚤、蟎等。
【INFO】 《曼秀雷敦低敏驅蚊乳液》 價錢：港幣$98.9 原產地：越南
消委會蚊怕水推薦 | 7. 驅蚊大師滅菌驅蚊液
滅菌驅蚊液採用德國研發嘅IR3535®配方，通過世衛、美國CDC及EPA認可，而且不含DEET成分，長效驅蚊達8小時，有效驅趕蚊、蟎、蠓、蚤、蜱、蠅、蝨等多種昆蟲。同時亦可以噴灑於床單、被鋪、地氈、公共座位以及寵物身上都可以，有效驅走毛孩身上面嘅蚤，幫大家全方位驅趕昆蟲。
【INFO】 《驅蚊大師滅菌驅蚊液》 價錢：港幣$108 原產地：香港
消委會蚊怕水推薦 | 8. RID Antiseptic Repllent Tropical Strength Pump Spray 8 HR Protection (19.1%)
呢款蚊怕水為100毫升，無論係帶出街定係帶去旅行都相當方便，可以防止蚊以及其他昆蟲叮咬，長效驅蚊達8小時！
【INFO】 《RID Antiseptic Repllent Tropical Strength Pump Spray 8 HR Protection (19.1%)》 價錢：港幣$128 原產地：澳洲
消委會蚊怕水推薦 | 9. Skin Technology Protect 20%長效防蚊液 (無香精)
Skin Technology Protect 20%長效防蚊液採用20%低濃度派卡瑞丁，再加上冇香精，最啱孕婦以及小朋友使用！只需要輕輕按壓，揮發快提供瞬間防護，長效防蚊時間大概8至10小時。
【INFO】 《Skin Technology Protect 20%長效防蚊液 (無香精)》 價錢：港幣$259 原產地：紐西蘭
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
