【 性格心理測驗 】拎手機打字姿勢 即測你嘅真實個性+感情觀！

【 性格心理測驗 】無論去到邊，香港人手上都最少拎一部手機，你哋又係唔係低頭族嘅一分子呢？但大家又有冇留意到，每個人拎手機打字嘅姿勢都唔一樣，有 心理測驗 指可以從4種手機打字姿勢看穿一個人嘅性格，想了解自己嘅性格同感情觀就快啲測試一下啦！

圖片來源：網絡圖片｜撰文：Sharon

問題：平時拎手機打字嘅姿勢係？

A. 單手拎住手機，用拇指打字

B：左手拎手機，右手拇指打字

C：雙手拎住手機，拇指交替打字

D：左手拎手機，右手食指打字

結果向下碌！

A. 單手拎住手機，用拇指打字

性格：喺工作上你一個認真、有才華又勤力嘅人，所以令身邊嘅人都好相信同依賴你，但同時你都係一個好直接嘅人，鍾意直接講出自己嘅睇法。不過你都唔鍾意過於高調去做事，身邊嘅人都會覺得你帶有一神秘感～

感情觀：難於表達自己嘅情感，同時好害怕會受到傷害，對自我保護感非常強烈。但隨著時間嘅相處，當你覺得對方係可信任時，你會相信佢，並視對方為很重要嘅人。

B：左手拎手機，右手拇指打字

性格：對身邊嘅朋友好熱情嘅你，係一個鍾意冒險、求知慾好強同風趣幽默嘅人。但其實你係一個好易感到不安嘅人，希望有人真正了解你，但往往你都只會遇到利用你嘅人。

感情觀：對待感情小心翼翼，又驚會傷害到對方，所以唔敢表達自己嘅真實情感同心事，經常抑壓自己嘅諗法。

C：雙手拎住手機，拇指交替打字

性格：你畀人一種自信又大方嘅感覺，係一個自我要求非常高嘅人。工作方面，重視權勢，係一個工作狂！另外，你都好鍾意認識唔同新朋友，建議人脈。

感情觀：外表係一個既鎮定又冷靜嘅人，但你嘅內心其實有好多劇場～經常會沉溺過去嘅悲傷，就算遇到感興趣嘅人都會當作不在乎。

D：左手拎手機，右手食指打字

性格：你係一個頭腦清晰，而且思緒敏銳嘅人。而且善於控制情勢，經常擔任團體中嘅領導人物。別人會覺得你忽冷忽熱，情緒經常有變化嘅人。

感情觀：社交圈子好大，鍾意熱鬧，其實你嘅內心係追求安穩生活嘅人，希望同另一半過一輩子。不過你嘅性格太易心軟，如果對方做錯事，請求得到你原諒，你會好輕易心軟而原諒佢，唔再介意。

大家又覺得呢個心理測驗準唔準呢？

相關文章：【心理測驗】6種最常出現嘅 拿杯手勢 從動作暴露你真實個性+生活現況

相關文章：【情人節心理測驗】選擇鍾意嘅花朵 即測適合你嘅戀愛關係