彩虹書法｜相信有朋友又或者遊客嚟香港嘅時候，大家都唔知究竟可以推薦佢哋買咩手信，而小編最近就發現咗香港都畫到超靚嘅彩虹書法，不妨趁嚟緊聖誕又或者係新年送畀朋友或者自己收藏啦！即刻入內文睇邊度畫到！
圖片來源：SAUCE編輯部 | 撰文：Hedy
小編最近喺赤柱行街嘅時候發現超有特色嘅彩虹書法，無論係送禮定自己收藏都超靚！無論係生日卡、祝賀說話、英文名定係各式各樣嘅詞語都可以客製，由龍師傅幫你即場手繪，超特別之餘，成品仲要喺相當靚！無論係買嚟當聖誕禮物、結婚禮物又或者係之後準備定新年揮春等，都超適合，除咗有彩虹書法之餘仲有中文書法選擇，兩種唔同嘅風格都好靚啊！！重點係價錢完全唔貴，最平$39就買到，就連小編都忍唔住入手咗幾款。
+1
彩虹書法｜彩虹書法特色
彩虹書法源起七十年代香港，受唐代「龍鳳書法」啓發，將單純嘅黑墨換成彩色顏料，再加入花、鳥、魚、蟲等圖案，用唔同嘅顏色同動物形成鮮豔奪目嘅中文字。而每個圖案嘅背後都有其獨特嘅意義，以魚為例就代表富裕，船等於成功等等。而龍師傅17歲嘅時候已經喺香港、日本、韓國、新加坡等地創作逾三十年，有豐富經驗，所以大家有咩想寫嘅都可以交由龍師傅去創作，仲要龍師傅都相當Nice，創作完之後仲會解釋埋畫咗啲咩圖案喺上面！如果去開赤柱嘅朋友，都可以去搵龍師傅寫～
【INFO】 《彩虹書法》 店鋪地址：赤柱赤柱大街40B 地下 Google Map：請按此 Instagram：請按此
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
