6月自助餐 | 慶祝完母親節之後，大家都唔好忘記父親節，絕對要慰勞吓辛苦工作嘅爸爸～一家人聚埋一齊食自助餐都係唔錯嘅選擇，任食壽司、海鮮以及甜品等！即刻睇吓有咩自助餐推薦啦！
圖片來源：官方圖片、klook | 撰文：Hedy
父親節自助餐2025 | 1. 九龍香格里拉
九龍香格里拉酒店推出快閃買二送一，無論係午餐定晚餐都有優惠！Café Kool咖啡廳提供多款時令海鮮，包括午市限定嘅鱈場蟹腳及麵包蟹，另外亦有週末晚市限定嘅波士頓龍蝦。鍾意食日式料理嘅朋友更加唔好錯過，大家都可以盡享無限任添三文魚子同三色飛魚籽嘅雜錦刺身飯、火炙和牛壽司及拖羅三文魚子手卷等。同時亦有松露燒乳鴿、片皮鴨、海參灌湯餃及水蟹粥。而甜品方面仲有巴斯克焦香芝士蛋糕以及榴槤奶凍，即刻趁父親節去預約啦～
【INFO】 《九龍香格里拉酒店自助餐》 -【快閃買二送一】自助午餐 優惠價：$1,076起 -【快閃買二送一】自助晚餐 優惠價：$1,766起 地址：香港九龍尖沙咀東麼地道64號閣樓 立即預約：https://bit.ly/3Zq3iRV
父親節自助餐2025 | 2. 北角海逸酒店綠怡咖啡廳
北角海逸酒店綠怡咖啡廳推出「夏日狂饗．Shake Shake 海鮮自助晚餐」，無限量供應即開生蠔、鱈場蟹腳、油甘魚以及Movenpick雪糕等等！大家仲可以去即時烹調櫃位享受Shake Shake滋味海鮮拼盤 (鮑魚、軟殼蟹、扇貝、青口、蝦、魷魚、蜆、栗米) 、 鴨肝多士、 鮑魚仔燒賣、 鰻魚玉子燒、 天婦羅 (多春魚、蕃薯、冬菇) 以及生滾蟹粥等。而喺6月14至15日，仲可享父親節限定，每位客人均獲贈蠔皇花膠鮑魚一客，無限暢飲汽水、橙汁、精選紅 / 白餐酒以及啤酒。依家仲有買一送一以及買二送二優惠！
【INFO】 《北角海逸酒店綠怡咖啡廳》 -【買一送一】自助晚餐 優惠價：$886 -【買二送二】自助晚餐 優惠價：$1,772 地址：香港北角英皇道665號北角海逸酒店2樓 立即預約：https://bit.ly/43gPGuy
父親節自助餐2025 | 3. 港島海逸君綽酒店
港島海逸君綽酒店自助餐依家更有低至55折優惠，晚餐提供中、西、印度以及泰國美食！當中必食嘅一定係新鮮即叫即開生蠔、美國波士頓龍蝦、蟹腳、7寸長阿根廷蝦、帶子、青口、翡翠螺、日本剌生及壽司等。仲有小朋友最愛嘅Mövenpick雪糕，有成12款口味選擇，仲有即製甜品專區。
【INFO】 《港島海逸君綽酒店自助餐》 -【低至55折】自助午餐 優惠價：$279起 -【低至55折】自助晚餐 優惠價：$480起 地址：香港北角油街23號港島海逸君綽酒店三樓Harbour Grand Café 立即預約：https://bit.ly/4ji9x0X
父親節自助餐2025 | 4. 沙田帝逸酒店
沙田帝逸酒店最近就推出全新「巴」羅萬有·港式盛薈自助晚餐，以九巴作主題，呈獻一系列别具特色嘅造型甜品，如果爸爸係巴士迷嘅話就一定要去～當中廚師推薦八寶鴨、芝士焗龍蝦、黄金炸蟹腳、鳳城脆炸日本蜜瓜3.6牛乳、生拆蟹肉雲腿碗仔翅以及老陳皮嫩鴨湯(6-8月)！仲有海鮮、日本直送即切原條鮮魚、鐵板燒及爐端燒、日式大阪燒、自家製意大利雪糕、Häagen-Dazs雪糕等等，超豐富！
【INFO】 《沙田帝逸酒店》 -【買二送一】自助午餐 優惠價：$984起 -【買二送一】自助晚餐 優惠價：1,766起 地址：沙田源康街1號帝逸酒店1樓 立即預約：https://bit.ly/3ZDHJNx
父親節自助餐2025 | 5. 香港喜來登酒店
香港喜來登酒店自助餐提供父親節自助餐盛宴，除咗有由法國及美國空運直送嘅即開時令生蠔，仲有鮮甜彈牙嘅波士頓龍蝦、鱈場蟹腳、新鮮刺身拼盤 & 手握壽司以及鐵板燒宮崎A4和牛肉眼！大家仲可以食到由糕點行政總廚親製嘅日式柚子忌廉芝士蛋糕、宇治抹茶紅豆卷蛋糕以及日式栗子提拉米蘇！而喺6月14及15日，每位客人更可尊享鵝肝配香醋汁一份！
【INFO】 《香港喜來登酒店自助餐》 -【買一送一優惠】自助午餐 優惠價：$350起 -【買一送一優惠】自助晚餐 優惠價：$646起 地址：九龍尖沙咀彌敦道20號 - 咖啡廳 The Café 立即預約：https://bit.ly/4kk17Yg
父親節自助餐2025 | 6. 香港百樂酒店
百樂酒店自助餐推出「西饌葡味」海鮮自助晚餐，以西班牙同葡萄牙兩國嘅經典美味為主題，當中有 西班牙火腿配蜜瓜、葡式甘藍帶子酥皮湯、西班牙燒豬鞍、葡式燒乳豬、葡式烤八爪魚鬚以及葡式釀蟹蓋等，結合地中海風情同豐富海鮮嘅盛宴。不妨趁父親節帶埋爸爸一起去體驗美食啦～
【INFO】 《百樂酒店自助餐》 -【買一送一優惠】自助午餐 優惠價：$358起 -【買一送一優惠】自助晚餐 優惠價：$694起 地址：九龍尖沙咀漆咸道南61-65號香港百樂酒店4樓 立即預約：https://bit.ly/4kgfRYe
父親節自助餐2025 | 7. 香港九龍東皇冠假日酒店
香港九龍東皇冠假日酒店自助餐由6月1日推出海鮮薈萃自助晚餐，有香草脆筒三重奏：黑醋珍珠鮟鱇魚肝脆筒、赤海蝦飛魚籽脆筒、鹽蔥拖羅蓉脆筒。另外亦有忌廉芝士菠菜焗虎蝦球、龍蝦汁燴大蜆、香煎法國鴨肝以及葡式燒乳豬配香料炒飯！而星期五至日、公眾假期及前夕限定就有麵包蟹、油甘魚、帶子刺身、阿根廷天使粉紅蝦刺身！快啲帶埋爸爸一齊去享受開心果巴斯克芝士蛋糕、吉士醬西班牙油條配拖肥汁以及法式焦糖香蕉可麗餅等等嘅甜品啦～
【INFO】 《香港九龍東皇冠假日酒店》 -【低至9折】自助午餐 優惠價：$348起 -【低至9折】自助晚餐 優惠價：$598起 地址：香港將軍澳唐德街3號香港九龍東皇冠假日酒店1樓 立即預約：https://bit.ly/45tJGQq
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
