烏冬控注意！韓國人氣手工烏冬專門店WOWDON登陸啟德！最近呢間烏冬店喺網絡上討論度極高，餐廳主打每日新鮮定製烏冬，每日都大排長龍，唔少人都話值得一試！即睇內文睇下有咩必食喇～
圖片來源：IG@wowdon.hk｜撰文：Sharon
韓國過江龍嘅人氣烏冬店WOWDON登陸啟德SOGO雙子匯The Twins啦！餐廳主打每日新鮮定製嘅烏冬，有烏冬、闊條烏冬及蕎麥麵三款選擇，麵條口感非常煙靭！當中必試招牌「冰鎮闊條烏冬」，同大家以往見到嘅烏冬好唔同，闊條烏冬係扁闊嘅長方形烏冬，煮好後會即時過冷河再放上冰上鎮，以確保烏冬可以保持煙韌度！另外，仲會配上三款自家製醬汁，包括鰹魚汁、胡麻汁及咖喱汁，三重口感，層次超豐富！夏日必試，非常開胃！
除咗招牌「冰鎮闊條烏冬」，仲有酥脆吉列豬扒配自家製咖喱烏冬、明太子奶油烏冬配炸蝦天婦羅、酥香吉列豬扒泡菜鍋烏冬、香濃紫蘇油蕎麥麵同天婦羅炸蝦自家製咖喱飯等選擇。小食方面，則有三文魚太卷壽司、日式炸雞同天婦羅。有興趣嘅朋友記得去試下喇！
+1
【INFO】 《WOWDON》 地址：九龍城啟德協調道12號雙子匯1期崇光啟德店食匯堂14樓1403號舖 營業時間：11:00 - 22:00
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
