姜濤生日應援｜各位姜糖們可以一齊迎接姜濤27歲生日喇！姜濤香港後援會聯同The ONE及皇室堡以全新主題【Keung’s Family 姜家人】打造出主題展覽以及一系列慶祝活動，即刻入內文睇詳情喇！
圖片來源：官方圖片 | 撰文：Hedy
姜濤生日即將嚟臨，由姜濤香港後援會主辦、The ONE及皇室堡連續第五年全力支持，於尖沙咀及銅鑼灣同步推出【The Keung’s Family】及【The Keung’s Show】主題展覽及一系列慶祝活動。小姜姜與小濤濤將以全新造型驚喜現身兩大商場，舉行期間限定見面會，等姜糖有機會近距離打卡合照，共同慶祝姜濤生日！
姜濤生日應援｜【The Keung’s Family】 —— The ONE
尖沙咀The ONE特設【The Keung’s Family】，延續廣受歡迎動畫【The Mini Keung Show】之可愛風格，精心打造四大幸福打卡場景。當中最觸目嘅一定係姜之安樂窩，由首次於商場驚喜現身嘅「姜爸」、「姜媽」與全新換上造型嘅小姜姜、小濤濤笑容滿面地敞開家門，齊齊迎接姜濤生日。大家仲可以踏上後援會專屬嘅招牌應援電車，回憶每年應援「姜濤灣」嘅經典時刻。轉入花園角落就有Keung’s Power! Pickleball Corner展現出姜濤近期熱愛嘅匹克球運動。場內更特設【The Keung’s House Charity Pop Up Store】，發售會場限定匹克球拍套裝，所有收益扣除成本將用作慈善用途。
【INFO】 《The ONE【The Keung’s Family】》 日期：4月2日至4月30日 時間：10:00至22:00 地點：尖沙咀The ONE UG2中庭 【The Keung's House Charity Pop Up Store】 日期：4月3日至26日（逢星期五、六、日及公眾假期） 時間：下午1時至下午5時# 地點：尖沙咀The ONE UG2中庭
姜濤生日應援｜【The Keung’s Show】—— 銅鑼灣皇室堡
以美式復古百老匯風格為靈感，場景以典雅深紅色配搭華麗金光格調，展出多張姜濤於舞台上發光發熱嘅相片，場内設有五大璀璨打卡位，包括：踏上Keung’s #27 閃亮舞台，定要到「愛姜請留言」電話亭，親口錄下對姜濤的暖心祝福；再到巨大化KT430復古卡式帶機，探索姜濤音樂世界；駐足於姜知你心留聲機前，細味「好得太過份」之歲月留聲；於 KT430星光生日卡留下約定，共同見證每年430嘅溫馨承諾。同場更將設有姜之甜品小站，本地人氣品牌the.mochiffon.cake 將推出多款期間限定主題甜點。
【INFO】 《皇室堡【The Keung’s Show】》 日期：4月2日至4月30日 時間：10:00至22:00 地點：銅鑼灣皇室堡地下中庭 《姜之甜品小站》 日期：4月2日至4月30日 時間：中午12時至晚上8時30分#
姜濤生日應援｜鈎織愛心手作
姜濤香港後援會聯乘Happy Yarn舉辦Happy Yarn x姜糖「鈎織『濤』夢慈善工作坊」。由Happy Yarn導師專業指導，帶領姜糖親手鈎織「小濤桃」應援公仔頭套及「小蜜濤」應援手燈套。一針一線，為應援公仔換上親手鈎織嘅蜜桃新裝及為應援手燈添上獨一無二的裝飾！活動收益扣除成本後，將全數撥捐受惠機構，一針一線都別具意義，延續溫暖與關愛。
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
