召集一眾鍾意食希臘乳酪嘅朋友！全新手工希臘乳酪網店，主打自家製發酵厚乳酪，提供多款口味選擇，仲要係香港製造㗎！有興趣嘅朋友可以一試～
圖片來源：官方圖片｜撰文：Sharon
全新手工希臘乳酪網店yoogut.lab，主打自家製發酵厚乳酪，每款希臘乳酪都經20小時緩慢發酵以及4小時手工冷壓萃取，保證新鮮製造！比起一般希臘乳酪蛋白質含量更高，成份只有牛奶同益生菌，口感更厚實順滑！
小店提供多款口味選擇，包括檸香伯爵芒果、茉莉蘋果、可可夾心香蕉、蘋果肉桂卷等。當中微酸藍莓Oreo口味更係人氣熱賣款式，乳酪表面鋪滿自家慢火熬煮嘅鮮藍莓果醬，只用天然羅漢果糖、無加水製作，保留返藍莓嘅原味同果肉口感。配埋低糖Oreo餅做夾心，酸酸甜甜好開胃，夏日必食！另外，小編大推「檸香伯爵芒果」底層手指餅吸滿日本南山園檸香伯爵茶，加埋芒果，口感豐富！鐘意食希臘乳酪嘅朋友記得唔好錯過啦！
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
