行開尖沙咀又有新嘢食喇！呢間新登場嘅「Verona Gelato」主打正宗意式手工雪糕，裝修走簡約歐陸復古路線，打卡一流！即刻睇下有咩Gelato好推介啦～
圖片來源：IG@veronagelatohk｜撰文：Sharon
新開嘅「Verona Gelato」主打正統意式手工雪糕，舖頭行簡約復古歐陸風，環境極有格調。創辦人專程遠赴意大利深造傳統配方，回港後仲堅持喺本地自設工場每日新鮮鮮製；現場更特登搬嚟意大利傳統嘅14孔「Pozzetti」圓桶櫃，確保每球Gelato都維持到最極致、最綿密順滑嘅口感！
店內提供十幾款經典兼創新口味，當中必試嘅招牌首推顛覆想像嘅「火腿蜜瓜雪葩」，將意式經典前菜化身成甜品，蜜瓜嘅清甜撞上火腿嘅鹹香，鹹甜交織意外地夾，食落超有驚喜！甜品控亦唔好錯過層次爆棚嘅「香蕉拖肥批」，將濃稠拖肥焦香同香蕉完美揉合，邪惡感滿瀉！重頭戲仲有店內招牌「開心果Affogato」，店員會將熱辣辣、濃郁撲鼻嘅現萃Espresso直接淋落冰凍幼滑嘅開心果雪糕上，一啖落去冷熱交錯、微苦同果仁甜香互相襯托，口感同層次都係頂級享受！
另外，現場仲有冧酒Tiramisu、杜拜朱古力、薄荷脆皮朱古力同白桃雪葩等多款熱門口味任你揀，行開尖沙咀記得去試下啦～
【INFO】 《Verona Gelato》 地址：尖沙咀赫德道11A-11D號地下A3號舖
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
