壽司郎水怪 | 鍾意水怪嘅粉絲記得唔好錯過啦！香港壽司郎繼將會同SANRIO人氣角色水怪 HANGYODON攜手，推出四間特別主題店，仲有一系列聯乘商品及周邊精品，即刻入內文睇詳情啦！
圖片來源：官方圖片 | 撰文：Hedy
適逢3月14日係水怪生日同出道40週年，壽司郎將與SANRIO人氣角色水怪 HANGYODON合作推出四間主題店，包括旺角店、樂富店、上環店以及荃灣廣場店將會喺3月10日起化身特別主題店！主題店除咗有多個大型打卡牆、角色立牌及主題餐桌裝飾等，更有限定造型嘅水怪與萌抱壽司將於店內不同位置驚喜出沒。店內亦貼心設置特色單人座位，無論自己食定同朋友食都可以同水怪打卡～
壽司郎水怪 | 聯乘限定商品
壽司郎與「浪漫主義者」HANGYODON 準備咗一系列聯乘限定商品，包括 「HANGYODON 的浪漫芭菲」(港幣$38)、「給薄荷 fans 的浪漫雪糕蛋糕」(港幣$28)及「食炸雞 都可以很浪漫」(港幣$28)，呈獻浪漫三重滋味。每款商品均配有HANGYODON限定插牌，款式隨機共有六款作點綴。粉絲絕對唔可以錯過獨家週邊贈品，凡於推廣期內堂食惠顧 「 HANGYODON的浪漫芭菲」，即隨餐附送公仔擺件乙個；惠顧「給薄荷 fans 的浪漫雪糕蛋糕」，即隨餐附送橡筋頭飾乙個；惠顧「食炸雞都可以很浪漫」，即附送害羞公仔乙個。
壽司郎水怪 | 購買限定外賣盛合 送保溫袋！
除咗堂食嘅限定商品外，壽司郎亦推出限定外賣盛合「HANGYODON 一個人 都可以很浪漫盛合」(港幣$97)。於推廣期內購買限定外賣盛合，即隨餐贈送保溫袋乙個，可用於保溫 保冷、重複使用，超實用之餘，更係可愛度爆燈！
壽司郎水怪 | 香港限定周邊
為滿足一眾粉絲嘅收藏欲望，壽司郎更推出四款香港限定聯乘精品，只要於推廣期內凡於壽司郎堂食或外賣自取*消費淨額滿^港幣$200，即可以加購價購買各項聯乘精品，加購數量不限，粉絲們一定要入手收藏！精品包括旅行收納袋(港幣$79)、公仔鑰匙扣(港幣$119)、雙層玻璃杯(港幣$89)以及收藏卡(港幣$3)
【INFO】 《香港壽司郎x水怪主題店》 日期：2025年3月10日至4月11日 地址： 旺角店—九龍旺角彌敦道 628 號瓊華中心地庫 樂富店—九龍聯合道 198 號樂富廣場 UG1 樓 L109 號舖 上環店—上環德輔道中 199 號無限極廣場 2 樓 201 號舖 荃灣廣場店—新界荃灣大壩街 4-30 號荃灣廣場第 3 層 301-302 號
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
