WAKE UP係一間以簡約路線作為主調嘅Cafe，最近開設第3間分店，並正式進駐沙田科學園，以後沙田友有福啦！為慶祝新店開幕，科學園分店推出午市限定優惠，低至半價就食到！想知道仲有咩美食，就立即睇內文啦！
圖片來源：官方圖片｜撰文：Sharon
WAKE UP科學園分店設有落地大玻璃，可以一邊享用美食、一邊欣賞餐廳外優美嘅湖色，非常寫意！而靠窗嘅餐飲區更以露營風作為主題，提供露營餐具及裝飾，椅子都用咗露營櫈，令人有一種去咗露營嘅感覺！
餐廳內以滑板作為裝飾，貼合科學園與吐露港沿岸單車徑嘅運動氛圍，而且空間感十足，絕對係一個悠閒好選擇～食物方面，以西式料理為主，包括有秘製香草即烤原隻無激素燒春雞(900g)伴薯菜、皇牌芝士焗豬扒飯、燒伊比利亞有骨黑毛豬鞍(260g)配黑椒汁伴薯菜、Chill療癒卡邦尼伴蛋黃意粉同8層和牛芝士漢堡 配三色薯條。飲品方面則提供咖啡、紅白餐酒、雞尾酒，科學園店仲會引入人氣嘅「原漿啤酒」！
+1
為慶祝新店開張，由即日起至12月20日仲有午市限定優惠，低至半價！最平$48就可以嘆到指定皇牌TIME to Bake皇牌鮮茄芝士焗豬扒飯（原價HK$78）連飲品一份，非常抵食！今個聖誕，快啲約埋朋友一齊嚟食啦～
【INFO】 《WAKE UP科學園店》 地址：沙田白石角香港科學園2期科技大道西10號10W地下S041B號舖 營業時間：8:00 - 21:30 電話：2467 6318
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
