AIRSIDE餐廳 | 相信唔少香港人放假嘅時候都會帶埋寵物以及小朋友，一齊去啟德行下，而且AIRSIDE亦係寵物友善商場，帶埋毛孩一齊入商場食嘢都冇問題～而啟德最近亦新開咗間炸魚薯條餐廳，除咗招牌炸魚長薯條 ，仲有創意十足嘅雙皮奶雞蛋仔，即刻入內文睇地址啦！
圖片來源：Instagram@captains_fishchips | 撰文：Hedy
THE CAPTAIN’S FISH & CHIP BAR 船長炸魚薯條餐廳近日正式登陸 AIRSIDE，位置鄰近啟德站以及寵物公園，交通相對上亦比較方便，陪毛孩放電完之後，大家都可以入嚟享受美食～再加上呢間係寵物友善餐廳，隨咗可以帶毛孩入內之外，餐廳亦有提供多款寵物餐。
AIRSIDE餐廳 | 必試招牌炸魚薯條！
招牌炸魚薯條夠晒大份，而且咬落去更係外脆內嫩，超值得試！主食方面有番茄意粉、水牛奶白汁意粉、明太子冷意粉配搭單骨雞翼又或者係船長炸魚，價錢由$59到$118。再加埋一份日本原宿長薯條$48，30cm長嘅薯條搭配多款惹味醬汁，包括明太子沙律醬、黑松露沙律醬、自家製他他醬、蜜糖芥末醬、辣沙律醬、車打芝士醬、烤蒜沙律醬、咸蛋黃沙律醬，超吸引！
AIRSIDE餐廳 | 人氣雙皮奶雞蛋仔！
想試啲特別又有新意嘅食物，小編就推薦大家要試埋創新嘅雙皮奶雞蛋仔，雞蛋仔口味仲可以選擇原味或者朱古力味。一攞上手就可以聞到牛奶味，咬落去仲可以食到由順德民信水牛奶製成嘅雙皮奶內餡，完全估唔到同雞蛋仔咁夾，原價$45。另外亦有蛋撻雞蛋仔、黃金鹹蛋黃雞蛋仔以及朱古力撻雞蛋仔等等，有興趣嘅朋友就記得去試試～
AIRSIDE餐廳 | 雙皮奶系列飲品
就算唔食雞蛋仔，都可以飲到雙皮奶系列嘅飲品，當中包括養生桃膠雙皮奶茶、抹茶雙皮奶茶以及培茶雙皮奶茶，每款價錢都係$48。同場亦有美式黑咖啡、拿鐵、芭樂咖啡、玫瑰西柚原個檸檬果汁以及奇異果原個檸檬果汁等飲品畀大家選擇，最平$28就飲到！
【INFO】 《THE CAPTAIN’S FISH & CHIPS BAR》 時間：星期一至日 11:30至21:30 地址：九龍城啟德協調道2號 AIRSIDE G樓G014號舖
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
