M+博物館展覽 | 放假又多一個好去處！M+博物館近日有全新展覽「A.A.村上：浮游之境」，為大家帶嚟2大沉浸式裝置，只要一抬頭就可以見到氣泡雲喺頭上緩緩飄過，無論係影相打卡定係靜靜地欣賞展覽都超適合，即刻睇睇展覽詳情！
圖片來源：官方圖片 | 撰文：Hedy
活躍於東京同倫敦嘅A.A.村上，係由亞歷山大 · 格羅夫斯以及村上梓所組成嘅雙人藝術團隊，成立於2011年。其跨領域創作橫跨雕塑、裝置、電影和數碼藝術等範疇，擅於創造出氣魄宏大嘅壯觀場景。而今次佢哋所創作嘅「A.A.村上：浮游之境」展覽，畀大家可以免費一齊體驗2個相互呼應嘅沉浸式裝置。
M+博物館展覽 | 霧環藝術裝置
兩人嘅創作靈感源自浮世繪，呢種盛行於十七至十九世紀嘅日本藝術類型，經常模糊奇幻與現實嘅界線，以喚起美感、詩意，以及超脫凡塵嘅感覺。當大家一行入去，就會見到一個個實體嘅霧環，朝着盪漾起伏嘅數碼海洋飄散而去。當霧環觸及螢幕表面，就會邁入模擬空間，擺脫實體嘅束縛，繼續永無止境嘅旅程。
M+博物館展覽 | 氣泡雲漂浮空中
而第二個沉浸式裝置就會帶大家睇吓漂浮喺空中嘅泡泡雲，睇住佢哋慢慢由泡泡變成雲朵，最後又變成雲煙，實在係令人感嘆美好嘅瞬間如此短暫。而呢2件大型裝置都採用咗轉瞬即逝嘅物料，仲以創新方式運用專門研製嘅技術，先令大家可以睇咁咁震撼嘅瞬間～就連英國跳水王子Tom Daley都有嚟睇展覽！
【INFO】 《A.A.村上：浮游之境》展覽 日期：即日起至2025年2月2日 時間：星期二至四及週末10:00至18:00、星期五10:00至22:00（星期一休館） 地址：香港九龍西九文化區博物館道38號 B2層展演空間 收費：免費入場
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
