啟德雙子匯最近成為城中熱點，呢度集結咗一系列新餐廳，今次就為大家介紹當中最值得一試嘅10間餐廳，每一間都充滿特色，無論你鍾意日式、泰式、粵菜定係甜品，一定有啱你心水嘅選擇。想食經典粵菜，可以試囍雲軒，創意同味道兼備；鍾意日韓風味嘅，不妨去UnME感受鮮味同融合式料理；或者嚟Washabu品嚐高質日式火鍋，黑毛和牛同龍蝦味噌湯唔會令你失望。甜品控一定要去Urasaki Lab，佢哋嘅巴斯克芝士蛋糕係必試之選；仲有沖繩人氣雪糕品牌Yonna Yonna嘅手工雪糕，低卡又健康。雙子匯仲有唔少打卡位，絕對係假日好去處！

圖片來源：Openrice  @eatwithdumbo、@Amatrice d art、@tracychan0409、@frostiewithfood、@Miss叮、@挑戰者2號、@為食鴨鴨、Facebook@The Twins Hong Kong 香港雙子匯、@SOGO Hong Kong 香港崇光百貨  | 撰文：Ginger

啟德雙子匯美食 | 1.⁠ ⁠Nisugu

Nisugu將西班牙菜玩出新花樣，再加埋少少日式fusion，味道層次好有驚喜。餐廳位於商場高層，有露天位可以睇啟德夜景，氛圍爆燈。菜式方面，由經典西班牙Tapas到邪惡軟殼蟹蟹膏飯都有齊，連燒乳豬同吉列西班牙豬鞍都係必試之選。晏晝有抵食日式定食同全日brunch，夜晚就變身西班牙主題，海鮮飯、雞尾酒樣樣齊。

日頭係cafe，夜晚變酒吧，仲有戶外進餐環境。（圖片來源：Openrice @eatwithdumbo)
提供各式西班牙美食。（圖片來源：Openrice @Amatrice d art)
 【INFO】
《Nisugu》
地址: 香港啟德協調道12號The Twins Tower 1 14樓 2號舖
營業時間: 星期一至五 12:00 - 22:00，星期六至日 11:30-22:00 

啟德雙子匯美食 | 2.⁠ ⁠囍雲軒

囍雲軒係一間主打粵菜嘅高質酒樓，環境寬敞又舒適，仲設有唔少打卡位，吸引咗好多中菜愛好者嚟朝聖。餐廳保留傳統粵菜匠心，又加入創意，將經典菜式如金魚餃、蘿蔔酥等做得精緻又吸睛。

每款點心賣精緻高質。（圖片來源：Openrice @tracychan0409）
多款精美手工點心。（圖片來源：Openrice @dindin1117）
 【INFO】
《囍雲軒》
地址: 尖沙咀彌敦道100號The ONE 5樓L503-L504號舖
營業時間: 星期一至日 09:30 - 22:00

啟德雙子匯美食 | 3.⁠ ⁠Unme

UnME以日韓風味結合西方烹調技巧，打造出獨特嘅鮮味體驗。無論係茴香泡沫龍蝦湯定係炸軟殼蟹千島醬薄餅，都將鮮味發揮得淋漓盡致。仲有士多啤梨藍柑特飲等特色甜品。

提供多元化日、韓、西式菜餚。（圖片來源: Openrice @frostiewithfood )
藍柑咖啡維也納雪山。（圖片來源：Openrice @uncommon.common)
 【INFO】
《UnMe》
地址: 九龍城啟德協調道12號雙子匯1期崇光啟德店食匯堂14樓1401號舖
營業時間: 星期一至五 12:00 - 22:00，星期六至日 11:30 - 22:00

啟德雙子匯美食 | 4.⁠ ⁠Yonna Yonna by Yanbaru Gelato 

沖繩人氣雪糕品牌Yonna Yonna by Yanbaru Gelato以低卡健康為主打，由意大利手工雪糕世界盃冠軍柴野大造先生創立， 用新鮮蔬果製成手工雪糕，連純素選擇都有得揀。招牌橘子香草彭馬斯卡邦尼更係得獎之作，獲2015年日本全國優勝大獎，果味濃郁。

日本沖繩著名雪糕品牌。（圖片來源: Openrice @Miss叮)
手工雪糕採用沖繩空運時令蔬果，每日新鮮製造。（圖片來源: Openrice @Miss叮)
 【INFO】
《⁠Yonna Yonna by Yanbaru Gelato》
地址: 九龍城啟德沐翠街12號雙子匯2期地下G16號舖
營業時間: 星期一至日 12:00–22:00

啟德雙子匯美食 | 5.⁠ ⁠御將燒 

 御將燒來自日本大阪，帶嚟正宗廣島御好燒體驗，由日籍師傅現場即席烹調，味道、口感同視覺都無得輸。仲有DIY御好燒課程，親手整靚靚鐵板燒，食得更加有滿足感。

廣島燒包裹著包心菜、蛋、豬肉、麵條、豆芽、青蔥及天婦羅脆片等，搭配OTAFUKU廣島燒醬汁，口感豐富。（圖片來源：官方圖片）
日本經典炒麵選用新鮮豬肉、包心菜、豆芽等蔬菜搭配炒麵。（圖片來源：御將燒官方圖片）
【INFO】
《御將燒》
地址: 九龍城啟德協調道12號雙子匯1期食匯堂12樓1號舖
營業時間: 星期一至日 12:00 - 22:0

啟德雙子匯美食 | 6.⁠ ⁠新泰東南亞餐廳

新泰東南亞餐廳元祖店位於尖沙咀，招牌菜如酥炸香茅魚、南瓜焗咖喱海鮮等，每一啖都係濃郁嘅地道滋味。環境充滿東南亞氣息，環境非常適合聚餐。

由經驗豐富泰籍廚師主理。（圖片來源: Openrice @挑戰者2號）
多款特色美食。（圖片來源: Openrice @挑戰者2號）
 【INFO】
《新泰東南亞餐廳》
地址: 九龍城啟德協調道12號雙子匯1期崇光啟德店食匯堂14樓1404-1405號舖
營業時間: 星期一至四 11:30 - 22:30，星期五至日 11:30 - 23:00

啟德雙子匯美食 | 7.⁠ ⁠Urasaki Lab

 瀨戶內海蛋糕專門店Urasaki Lab終於喺啟德開舖！由多間五星酒店主廚嘅糕點師傅主理，主打巴斯克芝士蛋糕同梳乎厘芝士蛋糕，配上日式布丁，甜品控千祈唔好錯過呢間五星甜點店。

主打唔同口味嘅巴斯克芝士蛋糕、梳乎厘芝士蛋糕及日式布丁。（圖片來源: Openrice @為食鴨鴨)
巴斯克芝士蛋糕。（圖片來源: Openrice @soeypsy)
【INFO】
《Urasaki Lab》
地址: 九龍城啟德協調道12號雙子匯1期崇光啟德店1樓3號舖
營業時間: 星期一至日 10:00 - 22:00

啟德雙子匯美食 | 8.⁠ ⁠Washabu

Washabu專注高質日式火鍋，湯底選擇多樣化，配合來自日本、澳洲等地嘅優質牛肉，無論係壽喜湯定龍蝦味噌湯都啱晒口味，仲有多款清酒供應。

嚴選產自日本、澳洲、美國等地嘅優質牛肉。（圖片來源: Facebook@The Twins Hong Kong 香港雙子匯)
提供多款高品質食材！（圖片來源: Openrice @or#tm67093489)
 【INFO】
《Washabu》
地址：雙子匯 1 期 12 樓 1202 號舖
營業時間：星期一至日 11:30 – 22:00

啟德雙子匯美食 | 9.⁠ ⁠Sunakku Mama

Sunakku Mama以高質日式炸串聞名，提供清酒同唔同嘅日式小食。人氣推介炸雞皮蝦肉捲同原條海鰻炸串，配埋精選清酒，簡直係下班放鬆嘅絕佳選擇。仲有和牛咖喱角同關東煮，樣樣都係佐酒一絕。

以高質食材製作各式各樣不同口味嘅日式炸串。（圖片來源: Openrice @KennethHui38）
Mama組合，可以自選六款食材。（圖片來源: Openrice @Felix wong78）
 【INFO】
《Sunakku Mama》
地址：雙子匯 1 期 12 樓 1203 號舖 
營業時間：星期一至日 11:30 – 22:00

啟德雙子匯美食 | 10.⁠ ⁠Sogo Cafe

崇光啟德店嘅Sogo Cafe以日式簡約風設計，配上落地玻璃，光線充足。提供精品咖啡同輕食選擇，仲有超過30款麵包，係購物後嘆茶歇腳嘅好地方。

日式簡約風格，打卡一流！（圖片來源: Facebook@SOGO Hong Kong 香港崇光百貨)
除咗有精品咖啡，仲有超過 30 款麵包同輕食選擇。（圖片來源: Facebook@SOGO Hong Kong 香港崇光百貨)
 【INFO】
《Sogo Cafe》
地址: 九龍城啟德協調道12號雙子匯1期崇光啟德店1樓06號舖
營業時間: 星期一至日：10:00 - 21:00

——————————————————

Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk