九龍香格里拉麵包放題新登場！3款新包+巨大化明太子法包同步進駐！

麵包控注意！九龍香格里拉大堂酒廊人氣「香聚麵包」早餐及午餐放題返嚟啦！今次早餐及午餐時段分別推出三款全新特色麵包及甜點，即睇內文！

圖片來源：官方圖片｜撰文：Sharon

早餐及午餐放題每位只需港幣$218起！早餐及午餐麵包放題各推出3款新包，包括有近期話題十足嘅杜拜朱古力冬甩、融合意大利經典風味嘅青醬布拉塔芝士意式拖鞋包及鹹甜兼備嘅甘薯牛油鹽麵包；午餐麵包放題則有口感層次豐富嘅黑芝麻可麗露、濃郁幼滑嘅生朱古力法包及清新開胃嘅吞拿魚蓮藕三文治。

+3

除咗無限供應嘅自助餐區，惠顧午市放題嘅食客更可以優惠價錢加配多款精緻主菜及甜品！食完麵包記得要試埋甜品，包括質感輕盈軟綿且蛋香濃郁嘅原味卷蛋（另加港幣$18）、巴斯克芝士蛋糕（另加港幣$28）、口感滑嫩嘅日式焦糖布丁（另加港幣$28）同咖啡啫喱配 CREMIA 軟雪糕（另加港幣$38）。

另外，當然唔少得近期人氣熱爆嘅巨大化明太子法包（港幣$168）！依家喺Baked By Shangri-La都可以買到！長達32厘米嘅超巨型明太子法包份量驚人，尺寸幾乎比手掌大上數倍，打卡一流！金黃香脆嘅法包表面及夾層均塗滿厚厚一層色澤誘人嘅明太子醬，經烘焙後散發濃郁鹹香及微辣鮮味，明太子控必買！

【INFO】
《「香聚麵包」早餐放題》
地點：九龍香格里拉大堂酒廊
日期：2026年9月25日至10月19日期間（星期五至日及公眾假期限定供應）
時間：08:00 - 10:30
價格：每位港幣$218（另收加一服務費）

《「香聚麵包」午餐放題 》
地點：九龍香格里拉大堂酒廊
日期：2026年9月25日至10月19日期間（星期五至日及公眾假期限定供應）
時間：12:00 - 14:30
價格：每位港幣$268（另收加一服務費）