荃灣美食 | 講起荃灣掃街，唔一定只有路德圍！荃灣貴為美食天堂，雲集平價、中高檔餐廳，食物類型更多不勝數。今次為大家集結8間荃灣必食餐廳，有人氣麻辣米線、米芝蓮平民價台灣菜、打邊爐以至甜品，應有盡有！
圖片來源：Openrice @kycvivian、@kycvivian、@chikpihehe、@lorraineyk、@大滾友火鍋餐廳提供、@puddingkk、@lee wai tung、@chito991、@FoodPilgrimageGps、@eatwithcherii、@i_am_foodhunter、@CHOCOLEI、@Garlic Cheung、@車媽媽、@chillheafoodie、@zi1217 ｜撰文：Ginger
荃灣美食推薦 | 1. 老闆娘雲南米線
講起荃灣米線，一定會諗起位於香車街熟食中心3樓嘅「老闆娘雲南米線」。店舖提供唔同款式嘅米線選擇，例如蒜香辣湯、蒙古湯、麻辣胡椒湯及麻酸辣湯等，可以自由選擇辣度，或者選擇銀針粉等。除咗米線，佢哋嘅炸物亦非常受歡迎，特別係招牌酥炸雞球、反斗蝦膠豆卜、酥炸鯪魚球及蒜香椒鹽雞翼等，每款炸物都非常出色，吸引咗唔少人嚟排隊朝聖。
【INFO】
老闆娘雲南米線
地址: 荃灣曹公街8號香車街熟食中心3樓28-29號舖
營業時間: 星期一至二 17:00 - 22:00，星期三 全日休息，星期四至日 17:00 - 22:00
荃灣美食推薦 | 2. 台蔡滷肉飯
台菜滷肉飯由台灣大廚親自主理，最近更得到2024米芝蓮認證。主力提供四款滷肉飯，如台味滷肉飯、爆蔥滷肉飯、肉鬆滷肉飯及麻辣滷肉飯，定價由$52-58不等。此外，店舖更提供其他特色主食，例如九層塔鹽酥雞餐、芋泥燒排骨餐、藥膳排骨湯麵及花雕麻油雞湯餐等。唔夠喉嘅話，仲可以揀唔同嘅夜市小食或酥脆手工蔥抓蛋餅。款款用心製作，感受台灣地道風味！
【INFO】
台蔡滷肉飯
地址: 荃灣海壩街99號地舖
營業時間: 星期一至日 12:00 - 22:00
荃灣美食推薦 | 3. 大滾友火鍋
大滾友火鍋無論係裝修定係用具方面都以宮廷風格為主題，盡顯古代皇宮華麗氣氛。店舖提供多款特色湯底，例如花膠雞濃湯鍋，每日以大量三黃雞熬煮湯底，雞肉嫩滑肥美，真材實料，份量毫不吝嗇！另外，排骨山濃湯鍋亦非常受歡迎，意大量豬骨熬製湯底，再以指天椒、長青辣及其他香料撞出香辣層次，並加入青檸帶出酸辣香氣，層次豐富，越煲越濃味！
【INFO】
大滾友火鍋
地址: 荃灣青山公路 - 荃灣段125-133號紅棉大廈地下A&B號舖
營業時間: 星期一至日 12:00 - 01:00
荃灣美食推薦 | 4. 秘
講起板燒吉列牛，不得不提「秘」。店舖主打招牌吉列安格斯牛小排及燒黑松露吉列牛，以一人燒形式呈獻，自由控制肉類生熟度。套餐包括一隻糖心蛋，白飯上面亦灑滿飯素。店舖亦提供其他主食選擇，例如芝士吉列豚肉、蒲燒原條鰻魚飯及牛舌芯黑安格斯等。
【INFO】
秘
地址: 荃灣享成街22號地舖
營業時間: 星期一至日 12:00 - 15:00 17:30 - 22:00
荃灣美食推薦 | 5. SOYmart by 豆乳狂人
豆乳狂人位於荃灣西海之戀商場，主打豆乳甜品及飲品，例如7.6特濃豆乳、豆乳奶蓋、鮮芋泥、桃膠、多芒等系列甜品，想食咸食，更可以選擇「狂人炸芋圓」，即叫即炸熱辣辣，外脆內軟，配奶蓋、煉奶及黃豆粉，食落非常滿足。定價由$22至50不等，價錢親民，份量大，性價比十分高。
【INFO】
SOYmart by 豆乳狂人
地址: 荃灣大河道100號海之戀商場2樓2036號舖
營業時間: 星期一至日 11:00 - 22:30
荃灣美食推薦 | 6. 阿荔車仔麵
位於大霸街嘅一間新派車仔麵，提供多款特色湯底，例如特濃沙嗲沾麵、黑蒜油撈麵、胡椒豬肚嫩雞絲湯米線、經典八寶嗱喳麵及古早黑糖豬手雞翼麻辣撈麵等，定價$56起。此外，唔夠喉更可以選擇其他特色小食，例如黑松露醬炸單骨雞翼及椒鹽炸燒賣等。
【INFO】
阿荔車仔麵
地址: 荃灣大壩街41號地下6號舖
營業時間: 星期一至日 12:00 - 21:30
荃灣美食推薦 | 7. 餃子屋
位於荃昌商場嘅呢間「餃子屋」經常大排長龍，除咗提供一系列傳統及新式湯餃及煎餃，連辣菜脯都係自家製。每隻餃子都大大隻，脹卜卜，餃皮厚薄適中。最特別係湯餃配無味精魚膠淮山煲豬骨老火湯，鮮甜滋補，用料十足。
【INFO】
餃子屋
地址: 荃灣西樓角路202-216荃昌商場1樓58號舖
營業時間: 星期一 10:30 - 21:30，星期二 全日休息，星期三至日 10:30 - 21:30
荃灣美食推薦 | 8. 麵屋福
麵屋福主打4款日式沾麵，分別有魚介豚骨、黑蒜油豚骨、蕃茄紅油及辛味噌。每款沾麵包括有叉燒、糖心蛋、筍、紫菜及蔥。食完沾麵後更可問餐廳申請加湯，品嚐店主用心製作湯底。
【INFO】
麵屋福
地址: 荃灣享成街18號地舖
營業時間: 星期一至日 11:30 - 15:30 18:00 - 21:30
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
