香港人愛掃街，而糯米糍真係一個令人欲罷不能嘅傳統甜品！Q彈嘅外皮，配上香甜濃郁嘅餡料，無論係街頭小店定高質餅家，總有一款啱你心水！今次為大家精選咗10間香港嘅糯米糍名店，款款都係人氣之選，無論你係鍾意經典芝麻花生，定係想試吓芒果、開心果或麥提莎等新派口味，呢幾間小店一定啱哂你！
圖片來源：Openrice@laingor.lee224081、@Rachel2346、@feelgood_foodiehk、@mochi_hkfood、@ying_msy、@fm_buy67 | 撰文：Ginger
糯米糍推介 | 1. 民豐粉麵行
荃灣嘅民豐粉麵行係一間老字號餅家，專做各式糯米糍，街坊同遊客都好鍾意。佢哋嘅糯米糍每日新鮮整，皮薄Q彈，咬落軟糯又唔黏牙。口味好多選擇，有開心果、黑芝麻、腰果、榛子等等，每款餡料都真材實料，甜度啱啱好，食完回味無窮。一粒$12，平靚正，買嚟做下午茶點心或者送禮都一流。
【INFO】
《民豐粉麵行》
地址: 荃灣荃灣街市街35號地舖
營業時間: 星期一至日 08:30 - 22:00
糯米糍推介 | 2. 生隆餅家
生隆餅家係香港嘅老字號，招牌甜品包括砵仔糕、紅豆糕、芝麻糕、糯米糍、發糕、紅包同雞屎藤糕，每款都係傳統手藝嘅代表。當中糯米糍尤其出名，$25一盒，抵食又好味！佢哋嘅糯米糍用優質糯米粉搓成，皮薄軟糯，入口彈牙，餡料有花生同豆沙兩款，仲有椰絲點綴，味道細膩香甜，層次豐富。花生餡香濃，豆沙餡順滑，兩者都令人一試難忘。
【INFO】
《生隆餅家》
地址: 深水埗北河街66號地舖
營業時間: 星期一 全日休息，星期二至日 07:00 - 19:00
糯米糍推介 | 3. 聰記糯米糍
聰記糯米糍有各種口味嘅糯米糍，招牌口味包括長洲芒果糯米糍、芝麻花生糯米糍同榴槤糯米糍，每款都別具特色。長洲芒果糯米糍（$14）用上香甜嘅呂宋芒果，果香濃郁；芝麻花生糯米糍（$10）則香味濃郁，芝麻同花生嘅配搭令人回味！
【INFO】
《聰記糯米糍》
地址: 灣仔軒尼詩道289號地下B號舖
營業時間: 星期一至日 10:00 - 22:00
糯米糍推介 | 4. 均香餅家
均香餅家係深水埗一間傳統餅店，餡料選擇多樣又創新，包括開心果、紅豆、黑芝麻、花生同榛子朱古力等，每款都細膩香甜，外皮厚度適中，口感偏軟，餡料細膩，味道層次豐富。一粒只售$12，性價比高！
【INFO】
《均香餅家》
地址: 深水埗北河街203號地舖
營業時間:星期一至日 08:30 - 22:00
糯米糍推介 | 5. 驊記糕點屋
驊記糕點屋位於元朗， 有多款傳統小食如米通，花生，角仔，糭，茶果，牛耳，花生糖等。而佢哋嘅花生糯米糍即叫即整，$36有6粒，皮薄軟糯，滿滿花生餡。
【INFO】
《驊記糕點屋》
地址: 元朗安寧路20-24號利群樓地舖
營業時間: 星期一 全日休息，星期二至六 10:30 - 17:00，星期日 全日休息
糯米糍推介 | 6. 糍到大王
糍到大王提供創新糯米糍，有金莎、香芋、紫薯、芒果、花生及榴槤等多款口味，$10-15不等，口感幼滑，餡料細膩。
【INFO】
《糍到大王》
地址: 旺角廣華街1號仁安大廈地下1C號舖
糯米糍推介 | 7. 滑嘟嘟
滑嘟嘟係大埔熟食中心嘅一間人氣小店，佢哋嘅糯米糍份量大，每粒糯米糍都係即日新鮮製作，糯米皮薄得啱啱好，口感軟糯Q彈，入口即化。主打口味有花生同黑芝麻，餡料多到近乎「爆餡」，一咬落去，花生嘅濃郁香氣同黑芝麻嘅醇厚味道瞬間爆發，每一粒糯米糍都畀人滿足感！
【INFO】
《滑嘟嘟 Sweet Bon Bon》
地址: 大埔鄉事會街8號大埔墟街市及熟食中心2樓CFS29號舖
營業時間: 星期一 全日休息，星期二至五 12:00 - 20:00，星期六至日 12:00 - 21:00 公眾假期
糯米糍推介 | 8. 簡品堂
簡品堂係一間喺香港好受歡迎嘅連鎖麵包店，除咗招牌麵包同麻糬，最近新推出嘅開心果糯米糍真係叫人眼前一亮！每粒只售$12，平靚正，開心果迷一試保證愛上！佢哋嘅糯米糍每日新鮮製作，糯米皮軟糯Q彈，入口即化，配上濃郁嘅開心果餡料，香氣撲鼻，甜度啱啱好，食落口感豐富又唔膩。
【INFO】
《簡品堂》
地址: 旺角港鐵旺角東站MKK 1號舖
營業時間: 星期一至日 07:30 - 21:00
糯米糍推介 | 9. 長洲地道糯米糍
佢哋嘅糯米糍每日新鮮製作，糯米皮薄而Q彈，入口軟糯，配上香甜濃郁嘅芒果餡料，果味爆棚，食完真係好滿足！除咗芒果口味，仲有其他選擇，每粒$15，或者$25任揀5款口味，抵玩又多變化，係掃街必食之一，啱晒同朋友一齊分享。
【INFO】
《長洲地道糯米糍》
地址: 葵芳葵富路7-11號葵涌廣場地下A21B號舖
營業時間: 星期一至日 12:00 - 22:30
糯米糍推介 | 10. Sum Sum Dessert
麥提沙糯米糍（12粒$33）外皮煙煙韌韌，入口軟糯，完美保留麥提沙朱古力嘅濃郁香甜，食落層次豐富，甜而不膩。OREO糯米糍（6粒$30）同樣出色，OREO嘅香脆口感同糯米皮嘅軟糯相輔相成，係甜品控嘅心頭好。每粒糯米糍都係新鮮製作，質感同味道都一絲不苟。
【INFO】
《Sum Sum Dessert》
地址: 觀塘巧明街117號港貿中心13樓1305室
營業時間: 星期一至日 12:00 - 20:00
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
