【 澳門美食推介2023 】通關之後大家終於可以去澳門玩，闊別3年多澳門都多咗唔少新餐廳同美食，亦有特色打卡咖啡店，再加上宜家去澳門越來越方便，除咗可以搭船，仲可以經港珠澳大橋前往，今個周未一於嚟個快閃澳門美食一日遊啦！
圖片來源：官方圖片、Openrice@Goo goo、Openrice@沙梨頭郭富城、Openrice@Belle.、Openrice@candy110、Openrice@koey_love、Openrice@糖小妹、Openrice@jasNmine、Openrice@dinewithyy、Openrice@SamuelChan9048｜撰文：Jan
1. 安德魯餅店
提到澳門嘅葡撻，相信大家都聽過安德魯葡撻，安德魯餅店於路環同氹仔都有分店，另外亦有咖啡店同外賣店，由一位英國人Andrew Stow喺1989年創立。葡撻每日新鮮焗製，喺街頭已經可以聞到香噴噴嘅牛油酥皮味，葡撻蛋味香濃，酥皮層次分別脆卜卜，難怪每次去到都大排長龍啦！
【INFO】
《安德魯餅店（原店 – 路環店）》
地址：澳門路環市區戴紳禮街1號地下
營業時間：07:00 - 21:00
電話：(+853) 2888 2534
《安德魯餅店（氹仔店）》
地址：澳門氹仔官也街9號栢鴻大廈地下E座
營業時間：10:00 - 19:00
電話：(+853) 2857 6580
2. 打鐵豆花
呢間台灣過江龍甜品店「打鐵豆花」，主打芋圓、豆花、沙冰等台式甜品，由法國藍帶甜品師打理 。甜品店用上超可愛嘅鐵人碗裝住各式甜品，特別推介法式焦糖布甸，配料相當豐富，包括有芋圓、芋泥、珍珠、紅豆。另一款椰林飄香同樣出色，椰奶凍有香濃椰子味，而且亦唔會太甜。最近更推出咗熊貓丫丫款式，用嚟打卡就啱晒啦！
【INFO】 打鐵豆花 地址：澳門荷蘭園瘋堂新街20號藝風閣地舖 營業時間：11:00-20:00
3. 倫記腸粉
去澳門除咗食葡撻之外，亦唔好錯過當地嘅平民美食。呢間人氣倫記軟滑腸粉已開業多年，主打布拉蛋腸粉，每份腸粉都係即叫即蒸，口感滑捋捋，而且夠晒薄、唔會粉，蛋香味十足，值得一試呢！
【INFO】 倫記腸粉 地址：澳門沙梨頭沙欄仔街26號泉彩樓地下B號舖 營業時間：07:00 - 01:00 (逢星期二休息) 電話：(+853) 6685 2245
4. 世紀咖啡
提到另一個必吃澳門美食 – 豬扒包，就不得不提歷史悠久嘅世紀咖啡。世紀咖啡開業於1965年，必試招牌厚蛋豬扒包，豬扒唔乾身夠香脆，另外佢亦係少數一直堅持使用「炭爐」同「瓦煲」煮咖啡嘅餐廳，所以除咗豬扒包之外，記得要試埋佢哋嘅馳名瓦煲咖啡同奶茶。
【INFO】 世紀咖啡（總店） 地址：澳門新馬路崗頂吉祥里地下 營業時間： - 星期一至五 07:00-18:00 - 星期六 07:00-12:00 電話：(+853) 6377 9664 世紀外賣店（賣草地店） 地址：澳門賣草地街乾草圍15號D長信大廈地下 營業時間：11:00-19:00 (逢星期二休息) 電話：(+853) 6377 9664 世紀外賣店（官也街店） 地址：澳門氹仔舊城區消防局前地3號地下 營業時間： - 星期一至五 07:00-18:00 - 星期六 07:00-12:00 電話：(+853) 6377 9664
5. 檸檬車露
呢間主打意大利Gelato甜品店大有來頭，皆因佢曾經連續4年拎到米芝蓮街頭小食推介，佢哋嘅Gelato之所以咁受歡迎，除咗因為有米芝蓮頭銜之外，雪糕每日新鮮製造，仲有60多款口味選擇，而且價錢比香港平，3球雪糕都只係MOP$55，CP值高相當抵食。特別推介口味當然係檸檬車露，味道夠晒Fresh，另外亦有香蕉榛子、益力多、番石榴等特別口味，夏天去澳門食就啱晒啦！
【INFO】 檸檬車露 地址：澳門氹仔地堡街115號J鋪（中葡小學斜對面） 營業時間：13:00-21:00 電話：2858 3396
6. 誠昌飯店
嚟到澳門，當然亦要試試同樣係地道美食嘅水蟹粥，位於氹仔官也街嘅老字號「誠昌飯店」，招牌水蟹粥嚴選成隻膏蟹熬製2-3小時，煮到軟綿綿，蟹膏香氣四溢，所以吸引唔少遊行前來拜訪。另外金沙大蝦、豉汁蒸大鱔、招牌蟹膏伊麵都十分出名，下次去澳門就可以試下啦。
【INFO】 誠昌飯店 地址：澳門氹仔舊城區官也街28-30號 營業時間：12:00 - 23:30 電話：+853 2882 5323 / +853 2882 7589
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
