歷山酒店推「櫻式粉紅」下午茶 淡淡櫻花香｜無限添飲Tea WG茗茶

各位ladies注意！歷山酒店以櫻花為靈感，由即日起至3月31日推出「櫻式粉紅」下午茶，締造出一場充滿少女心嘅粉色系下午茶盛宴！「櫻式粉紅」下午茶以粉紅色為主調，精選優質櫻花同食材，等大家每一啖都感受到甜蜜嘅味道！

圖片來源：官方圖片｜撰文：Sharon 

「櫻式粉紅」下午茶嘅5款鹹點以櫻花入饌，包括有「迷你黑松露醬鴨肝批櫻花鬆餅」、「煙三文魚卷伴脆櫻花」、「迷你紅菜頭和牛漢堡配鹽漬櫻花」、「日式櫻花蝦腐皮壽司」同「大蝦柚子米紙卷配甜辣櫻花汁」。小編大推「煙三文魚卷伴脆櫻花」煙三文魚配上脆櫻花，口感非常豐富！至於「大蝦柚子米紙卷配甜辣櫻花汁」充滿東南亞風味，清新又爽口！

甜品方面，有「櫻花茉莉慕絲蛋糕」、「櫻花白桃泡芙」、「紅桑子馬卡龍」、「紅石榴意大利奶凍」、「蔓越莓英式鬆餅配玫瑰士多啤梨果醬及牛油忌廉」同外皮層層酥脆嘅「士多啤梨拿破崙」，相信一定可以滿足一眾甜品控！

另外，餐廳更可無限添飲一款即磨咖啡：泡沫咖啡、拿鐵咖啡、美式咖啡或Tea WG茗茶，有皇后茉莉綠茶、蝴蝶夫人茶、洋甘菊茶、英式早餐紅茶、法式伯爵紅茶等選擇。另可享用指定紅酒、白酒、葡萄氣泡酒或芝士奶蓋士多啤梨乳酪一杯。大家快啲約埋閨蜜一齊High Tea啦！

【INFO】
《歷山餐廳「櫻式粉紅」下午茶》
地址：北角城市花園道32號大堂樓層 (港鐵炮台山站B出口，行人天橋步行2分鐘)
日期：2025年1月1日至3月31日
時間：15:00 - 17:00