I’M MEME x Sanrio | 可愛爆擊！韓國人氣化妝品牌I’M MEME與Sanrio聯乘，推出以玉桂狗及布甸狗為主題超得意嘅化妝品，粉絲們絕對要入手一套，實用之餘又適合收藏～即刻睇睇邊度有得入手啦！
圖片來源：官方網站 | 撰文：Hedy
7月準備去日本旅行嘅大家一定唔可以錯過，韓國人氣彩妝品牌I’M MEME同Sanrio聯乘，推出5款以玉桂狗以及布甸狗為主題嘅商品，目前只會係日本彩妝店以及Sun Smile官網賣～鍾意Sanrio卡通嘅大家絕對要攞定銀包出嚟畀錢啦～
I’M MEME x Sanrio化妝品 | 1. 玉桂狗蜜粉
一到夏天除咗要做好防曬之餘，都絕對要用到蜜粉！如果肌膚本身比較容易出油，就可以透過蜜粉幫助肌膚控油，咁就可以打造出零毛孔嘅肌膚，就好似天生皮膚一樣咁靚。半透明嘅蜜粉除咗超細緻之外，包裝更有得意嘅玉桂狗陪伴大家，內含粉撲方便大家上妝～
【INFO】 《玉桂狗蜜粉》 價錢：港幣約$121 立即購買：https://bit.ly/3KwkgpO
I’M MEME x Sanrio化妝品 | 2. 玉桂狗+布甸狗打亮
包裝除咗有玉桂狗喺度享受下午茶之外，就連布甸狗都同朋友一齊唱歌，享受歡樂時光。兩款打亮一打開都可以見到超得意嘅玉桂狗同布甸狗立體大頭，簡直就係令人唔捨得用～兩種顏色嘅打亮任你選擇，塑造出立體嘅妝感，顯色度一流！
【INFO】 《玉桂狗+布甸狗打亮》 價錢：港幣約$105 立即購買：https://bit.ly/3KwkgpO
I’M MEME x Sanrio化妝品 | 3. 玉桂狗+布甸狗唇油
就算平時素顏都可以搽一層薄薄嘅唇油，睇落自然人都精神啲啦～相信每個女士好多時都唔知自己嘅唇膏擺咗去邊，而玉桂狗以及布甸狗款式嘅唇油，更貼心咁設計到畀大家掛喺袋上面，小巧之餘又夠晒可愛。搽上嘴除咗可以幫助保濕之餘，更透出閃亮光澤感，隨時擁有水光感嘴唇，超迷人！
【INFO】
《玉桂狗+布甸狗唇油》
價錢：港幣約$83
立即購買：https://bit.ly/3KwkgpO
I’M MEME x Sanrio化妝品7月1開賣
以上5款嘅產品都將會喺日本Sun Smile官網率先售賣，並會喺7月1日開放畀大家買，有興趣嘅粉絲就記得要Mark定日期購買啦。而喺日本旅行嘅大家都可以搵搵附近嘅彩妝店鋪，價錢親民得嚟又可以每日化妝用，絕對值得入手！
