日式燒肉推介 | 召集和牛愛好者！小編為大家搜羅香港8大和牛燒肉餐廳，有「一人前」燒肉體驗；有全港首推「和牛識別番號」的餐廳，保證100%日本進口來源；亦有全港獨家引入的小田A4和牛及獲獎無數的頂級A5桜花牛。各大燒肉店都嚴選高級和牛，保證食到正宗的日本和牛！
圖片來源： Openrice @Eat5ting_foodie, @lizzyc, @apf5pqcsw8f6, @zanvsfood、驚安燒肉商店、燒肉like、和牛燒肉一郎、安平燒肉、宮崎肉本舖、三郎。燒肉、上村牧場官方圖片｜撰文：Ginger
日式燒肉推介 | 1. 宮崎肉本舖
每月日本直送，保證食到最正宗日本和牛滋味！由自家桜花農場每月引入獲獎無數的頂級A5桜花牛，桜花牛特別在其色澤紅潤，肉質綿密細緻，霜降油花分佈均勻，脂肪熔點與人體體溫相若，入口即溶，牛香十足。
套餐包括九州A5和牛特上套餐$698/位、宮崎A5桜花牛嚴選燒肉放題$898/位及宮崎A5桜花牛極上燒肉放題$998/位。可以品嘗10款以上的和牛部位，由赤身至霜降，及稀有部位辣椒肉及和尚頭等，任你選擇！放題亦有甲羅燒、青森及鹿兒島黑豚、熊本及新潟地雞、日本直送海產、和牛內臟等超過60款食材選擇，及包括小食、沙律、飯麵、甜品及飲品，非常豐富！
INFO 《宮崎肉本舖》 價錢由$698-998不等 地址：銅鑼灣糖街25-31號Sugar+6樓 營業時間： 星期一至日12:00 - 15:00，17:00 - 22:00 電話： 35685330 官方Facebook：https://bit.ly/45zXGVg
日式燒肉推介 | 2. 上村牧場
日本和民集團的人氣過江龍燒肉放題店，在鹿兒島有自家牧場飼養薩摩牛，由於店家嚴格執行自製飼料、和牛飼養以及肉品加工的過程，非常講究和牛肉品品質，達A4以上的級數！薩摩牛油花分佈均勻，肉汁豐富，更於2017年日本第11屆「全國和牛能力共進會」獲綜合優勝的最高殊榮，成為全國和牛No.1！
店舖更使用手機落單程式及特急列車送餐，方便快捷，而且定期更換換氣系統，保證整個用餐過程更舒適，更衛生。上村牧場有燒肉定食、特急和牛便當、5款和牛燒肉放題、澳洲和牛套餐選擇，價錢由$298-728不等，款式多達170種！除咗有薩摩牛及其他肉類，更有海鮮、壽司、日式拉麵、沙律、涼拌菜及甜品等，保證食到飽！
INFO 《上村牧場》 1.價錢由$298-678不等 地址：銅鑼灣勿地臣街1號時代廣場B2樓B213-214號舖 營業時間： 星期一至日11:30 - 22:30 電話：25510232 官方Facebook：https://bit.ly/3Q3xCfm
日式燒肉推介 | 3. 三郎。燒肉
由星級主廚黃世傑師傅主理的三郎。燒肉是燒肉一郎的姊妹店，於尖沙咀佔地3000尺，嚴選日本高級和牛及直送新鮮刺身，並以Omakase的形式呈獻高級餐飲體驗。餐廳設有吧枱專人燒肉服務，可以一邊燒肉，一邊有店員的專業講解各個和牛部位。帶給你極致奢華的享受！
餐廳以優質和牛為主題，午餐有20多款御膳及丼飯選擇，而廚師發辦有五款套餐選擇，包括秋桜 – A5和牛三郎會席料理、柊 – 日本產和牛醒醐味料理及樁 – 日本產和牛贅沢料理等，價錢由$680/位起！
今年三月，三郎。燒肉在日本大型和牛拍賣會成功競投全場第一位來自日本的うしの中山，大隈牧場的「名譽賞和牛」！愛燒肉的你，千祈唔好錯過日本最頂級和牛！
INFO 《三郎。燒肉》 單點和牛價錢由$158-318不等 地址：尖沙咀中間道15號H Zentre地下3號舖 營業時間：星期一至日11:30am-2:30pm、5:30pm-10pm 電話：2398 1813 官方Facebook：https://bit.ly/3M7JThQ
日式燒肉推介 | 4. 驚安燒肉商店
另一間尖沙咀人氣燒肉店，係激安燒肉工房姊妹店。佔地4000尺，空間感十足， 環境十分舒適。
每位客人來到店舖，都必點招牌自選九宮格燒肉盛盒，有20款以上的牛肉任選，例如厚切甘口黑標和牛、特上牛舌芯、牛頸脊、和牛五花、和牛三角腩、封門柳、和牛友三角、極黑和牛、一口和牛和壺漬牛肋條等。油脂豐富，肉味濃又多汁，以九宮格形式呈現非常精緻，亦非常打卡able！每份盛盒只需$588，性價比高，兩個人分享就剛剛好！
INFO 《驚安燒肉商店》 驚安九宮格盛合 $588 地址: 尖沙咀金馬倫道48號中國保險大廈3樓C號舖 營業時間：星期一至日 12:00 - 16:00, 17:30 - 00:00 電話：電話: 9878 8065 官方Facebook：https://bit.ly/3S3NbGL
日式燒肉推介 | 5.燒肉like
一個人都可以燒肉！2018年於東京開業後，火速喺2022年初開達100間分店，火速帶起一人燒肉熱潮！現時香港有46間分店，遍佈港九新界，包括沙田、銅鑼灣、屯門、旺角、尖沙咀等。店舖使用細小無煙烤爐，採用先進除煙技術，設獨立間隔座位，使用手機點餐，方便快捷！全程無尷尬，無油煙，舒服又自在！
店舖有10款唔同的Like套餐任你選擇，當中有七款例如有胸腹肉套餐、牛小排及牛扒鍵套餐、壽喜燒胸腹肉套餐及和牛扒套餐等，價錢由$48至$165不等。而其餘三款為日本產和牛上級肩肉及肩胛肉，價錢由$142至$162不等。套餐包括白飯、和風湯、泡菜或迷你沙律，性價比十分高！除咗套餐，更有十多款不同部位的肉單點選擇，例如牛舌，豬頸肉、豬五花腩肉和雞腿肉等，既定重量為100g，客人亦可選擇半份。一個人想食得舒服自在，不妨去呢間試吓啦！
INFO 《燒肉like》 價錢由$48-165不等 官方Facebook：https://bit.ly/3Q49MQV 官方Instagram：https://bit.ly/3Q25RE1
日式燒肉推介 | 6. 和牛燒肉一郎
使用「燒肉新幹線」智能送餐，全港獨家引入小田A4和牛勝名，有多款任食和牛放題套餐。午市燒肉套餐有日本進口的豚肋肉、特選牛肋肉及特選燒肉拼盤等選擇，價錢低至$48，包括前菜、味噌湯和白飯！晚市有A-F套餐選擇，A-C以海鮮和雞肉豚肉分類，D-F餐則可選擇日本黑毛和牛6/12/19款，130款以上食材任你燒！價錢由$478/位起！同時可享酒類放題！
10月29日更可享餐廳限定優惠，只需$498，於110分鐘內任食原價$1300的最高等級日本和牛放題套餐！套餐包括稀有部位極上夏多布里昂、原塊日本A4和牛扒、甲羅燒、原隻魷魚筒、特大越南大虎蝦等海鮮及超過30款野菜，涼拌小食，泡菜及粉麵類選擇！選擇多不勝數，飲品甜品包羅萬有！
INFO 《和牛燒肉一郎》 價錢由$298-1040不等 [佐敦店] 地址： 佐敦佐敦道 31-37 號百誠大廈 3 樓 營業時間：星期一至日 12:00 - 23:00 電話： 2736 8218 [將軍澳店] 地址： 將軍澳新都城中心 2 期 1 樓 1040-41 號舖 營業時間：星期一至日 12:00 - 23:00 電話： 2387 5388 [銅鑼灣店] 地址： 銅鑼灣波斯富街 24-30 號寶漢大廈 2 樓 營業時間：星期一至日 12:00 - 23:00 電話：2267 9688 [荃灣店] 地址：荃灣廣場6樓621-630號A舖 營業時間：星期一至日 12:00 - 23:00 電話：2816 1157 官方Facebook：https://bit.ly/3SlYCK7
日式燒肉推介 | 7. 熊本燒肉
位於銅鑼灣主打日式和牛燒肉火鍋放題的燒肉店，裝修走日本居酒屋風格，亦具動漫元素。主打日本及澳洲和牛，澳洲和牛有封門柳、牛肩胛、牛板腱、飛天牛等選擇，而日本和牛有三筋肉、牛三角、和尚頭、沙巴當等選擇。
熊本燒肉首創「和牛燒肉 X 火鍋」，4款套餐，6款湯底，食材有60款以上的選擇，有海鮮、刺身、炸物甜品等，非常豐富！放題有120分鐘或180分鐘選擇，價錢最平由$258/位起，想食和牛就要選擇$298或以上套餐！一次過試到爐端燒肉及火鍋，滿足兩個願望！
INFO 《熊本燒肉》 價錢由$308-888不等 地址：銅鑼灣謝斐道477-481 號3樓 營業時間：星期一至日12:00-00:00 電話：26173328 官方Facebook：https://bit.ly/3S9Jxv3
日式燒肉推介 | 8. 安平燒肉
台灣過江龍燒肉店，係牛大人台式火鍋副線，結合傳統台式燒肉做法及原住民風味，把台灣原味道帶到香港！餐廳由台灣總廚親自監督，除咗有高質燒肉放題，亦有各款台灣夜市小食如台灣鹽酥雞及梅山酥炸薯、手搖飲品及甜品如仙草芋圓及各款特製醬汁，款式多樣變化！
餐廳最主要有4款120分鐘晚市吃到飽套餐，例如原住民鹽燒豬肉吃到飽（$208起）、安格斯嫩牛吃到飽（$258起）、SRF極黑牛吃到飽（$308起）、澳洲M5和牛吃到飽（$358起）。除咗有澳洲M5和牛、原住民鹽燒肉、安平私房牛腹肉及三角牛肩肉等和牛，另外有海鮮、豬肉、雞肉選擇，同時設有蔬菜自助區，提供多達104款食材，名乎其實食到飽！
INFO 《安平燒肉》 價錢由$308-418不等 [荃灣店] 地址：荃灣眾安街55號大鴻輝(荃灣)中心17樓全層 營業時間：星期一至日 12:00 - 16:00， 17:00 - 23:45 電話：3953 9333 [旺角店] 地址：旺角彌敦道593-601號創興廣場9樓 營業時間： 星期一至日 12:00 - 16:00， 17:00 - 23:45 電話：3953 9323 官方Facebook：https://bit.ly/3S3Nrpd
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
