德國啤酒節2023｜各大啤酒迷注意！德國啤酒節返嚟啦～由即日起至10月27日，德國啤酒節於King Ludwig 帝樂德國餐廳舉行，除咗啤酒，當然唔少得美食、一系列傳統遊戲同比賽，超多豐富獎品等緊大家嚟拎，又飲「德」食「德」，仲玩「德」添！即睇內文了解詳情！
圖片來源：SAUCE｜撰文：Sharon
景樂集團舉辦嘅「第21屆德國啤酒節」由即日起至10月27日喺King Ludwig帝樂德國餐廳舉行，今年除咗有酒飲有野食之外，仲有酒迷必玩嘅遊戲同比賽，各位酒迷千祈唔好錯過啊！
德國啤酒節2023：啤酒節通行證
啤酒節又點可以唔飲啤酒呢！購買$260「啤酒節通行證」可以飲盡5款世界頂尖品牌唔同口味嘅啤酒，當中包括 Franziskaner Weissbier、Lowenbrau、Hoegaarden Fruity Range、Hoegaarden同Maisels Weisse，相信各位酒迷一定會飲得盡興！
德國啤酒節2023：期間限定美食
1. 慕尼黑啤酒節特色拼盤
有美酒當然要有埋美食先係最Perfect，啤酒節期間，現場會設有一系列美食攤位，今次推出期間限定3款啤酒節限定餐單，包括食肉獸必試嘅啤酒節限定「慕尼黑啤酒節特色拼盤」，有齊酥炸薄牛仔，脆皮燒豬肘及豬腩，聖路易斯燒排骨，紐倫堡腸，維也納豬肉腸，火焰牛肉串，燒虎蝦，酸椰菜，炸薯同燒粟米，份量夠晒驚人，一邊食再一邊配啤酒，超正啊！如果自問大食嘅你，仲可以挑戰「大胃王比賽」，45分鐘內食完整個慕尼黑啤酒節拼盤（包括配菜）， 即可免費享用慕尼黑啤酒節拼盤！
2. 傳統瑞士燒芝士，牛角窩夫(兩件)，金門火腿
另外，有芝士控最愛嘅「傳統瑞士燒芝士，牛角窩夫(兩件)，金門火腿」，喺牛角包窩夫淋上即場炙燒嘅瑞士芝士，濃厚嘅芝士味超邪惡啊！
3. 德累斯頓燴牛肉，紅椰菜，煎薯餅
仲未夠喉？咁就要試埋「德累斯頓燴牛肉，紅椰菜，煎薯餅」，熱辣辣嘅香脆薯餅上蓋上手撕牛肋肉，再配埋蘋果蓉，份量十足！
德國啤酒節2023：有獎比賽
除咗飲「德」食「德」，大家每晚仲可以參與有獎比賽，將豐富獎品帶返屋企，最高獎賞更可以贏得由永安旅遊贊助機票禮劵$5000！如果飲酒對你嚟講毫無難度，就一定要參加「啤酒競飲大賽」，於最短時間內飲晒完指定容量啤酒嘅挑戰者，就可以贏得價值$260 「啤酒通行證」一本！如果唔係好飲得可以玩「舉啤酒大賽」，舉起啤酒最長時間者同樣可以贏得價值$260 「啤酒通行證」一本！
而每間分店嘅紀錄保持者，將晉身10月27日「終極啤酒競飲耐力大賽」同「BEER KING 啤酒耐力皇終極賽」，勝出者仲獲得超豐富嘅獎品！
| 終極啤酒競飲耐力大賽 | BEER KING 啤酒耐力皇終極賽 | |
|
冠軍 |
永安旅遊贊助機票禮劵$5000 |
景樂集團$800禮品卡一張 |
|
亞軍 |
永安旅遊贊助機票禮劵$3000 |
景樂集團$500禮品卡一張 |
|
季軍 |
景樂集團$300禮品卡一張 |
景樂集團$300禮品卡一張 |
快啲Call齊朋友一齊去德國啤酒節，盡情狂歡啦！
【INFO】 《德國啤酒節》 日期：9月15日至10月27日 參與餐廳： 1.King Ludwig 帝樂德國餐廳 (銅鑼灣.赤柱分店) 2.唐 Tong’s Road House Seafood and Grill 《啤酒節通行證》 售賣日期：9月7日至11月20日 啤酒換領日期：9月7日至11月30日 參與餐廳： 1. King Ludwig 帝樂德國餐廳(銅鑼灣.赤柱分店) 2. Coast Seafood & Grill 3. Ocean Rock Seafood & Tapas 4. 唐 Tong’s Road House Seafood and Grill
