MUJI好物｜日本產品設計一向以細心同實用見稱，而MUJI更加係唔少人心目中嘅「寶藏品牌」！今次小編精選10大MUJI必買好物，無論係美容護理、文儀用品，定係收納好物都應有盡有，即睇邊款最值得入手啦～
圖片來源：MUJI官網、Instagram@muji_hongkong | 撰文：Icy
MUJI必買好物 | 1. 敏感肌ALL IN ONE美容凝膠
MUJI推出嘅敏感肌臉部保養系列，配方加入天然植物精華及精油成分，而且無色素、無香料、無酒精，敏感肌都可以安心使用。當中最方便一定係敏感肌ALL IN ONE美容凝膠，一枝就具備化妝水、乳液、精華液等多重功效，質地清爽唔黏笠，令肌膚保持水潤，特別適合香港夏天又焗又濕嘅天氣！
【INFO】 敏感肌ALL IN ONE美容凝膠 價錢：HKD$88
MUJI必買好物 | 2. 敏感肌用護唇膏
另一款敏感肌友好嘅MUJI保養品就係敏感肌用護唇膏，採用弱酸性配方製成，而且無酒精、無香料、無礦物油，經過嚴格嘅過敏測試，減低對敏感肌造成刺激嘅機會。護唇膏加入乳木果油等保濕成分，質地滋潤但唔會太厚重，而且一枝只需$18，性價比相當高！
【INFO】 敏感肌用護唇膏 價錢：HKD$18
MUJI必買好物 | 3. 毛毛直角襪
最近喺Threads上討論度超高嘅毛毛直角襪，採用貼合腳跟嘅「直角」形狀設計，可以提升支撐感，同時減少鞋口帶來嘅緊繃感，有效防止襪子脫落或移位。天然棉花材質柔軟親膚，著上腳舒服又透氣，仲有助減少汗味，令雙腳長時間保持乾爽舒適～
【INFO】 毛毛直角襪 價錢：HKD$28
MUJI必買好物 | 4. 眼鏡小物收納盒
MUJI眼鏡小物收納盒細細個，方便隨身攜帶，仲有一定保護性，加上採用PP材質製成，容易清洗又耐用。除咗可以放眼鏡之外，平時當筆筒用都得，收納毛巾仔、零食等小物亦好方便，用途可以隨時變換～
【INFO】 眼鏡小物收納盒 價錢：HKD$15
MUJI必買好物 | 5. 便攜式睫毛夾
對於化妝新手嚟講，夾睫毛最怕就係唔小心夾親眼皮。不過MUJI便攜式睫毛夾就對新手相當友好！睫毛夾採用滑蓋式設計，使用起上嚟更順手。加上弧度較平緩，特別貼合亞洲女生眼型，冇咁容易夾親眼皮，即使新手都可以輕鬆夾出自然又捲翹嘅睫毛效果。而且機身小巧，放入化妝袋隨身攜帶都超方便～
【INFO】 便攜式睫毛夾 價錢：HKD$25
MUJI必買好物 | 6. 無香沐浴皂
MUJI無香沐浴皂睇落普普通通，其實暗藏貼心小巧思。肥皂表面特設凹槽，使用時更易握穩唔滑手，而且可以將用剩變細嘅肥皂，黏貼喺凹陷位置繼續使用，減少浪費，充分展現日本產品設計嘅實用性！加上配方無香料、無色素，泡沫細緻綿密，任何膚質都適合使用～
【INFO】 無香沐浴皂 價錢：HKD$12
MUJI必買好物 | 7. 無釘釘書機
MUJI無釘釘書機設計簡約易用，毋須使用釘書釘即可輕鬆裝訂文件，拆卸時亦更方便，可以將文件直接投入碎紙機處理。雖然每次最多只能裝訂約5頁紙，但應付日常文件整理已相當足夠，特別適合小朋友安全使用，家長們都更加安心～
【INFO】 無釘釘書機 價錢：HKD$48
MUJI必買好物 | 8. 迷你隨身行李箱
唔好以為MUJI迷你隨身行李箱望落只係「得意」冇實際用途，其實收納功能相當多元！除咗可以放潤唇膏等細小物品外，仲好適合收納無線耳機，而硬殼設計亦具備一定保護作用，減少碰撞同刮花。加上附有登山扣，可以穩陣掛喺日常使用嘅手袋或背囊上～
【INFO】 迷你隨身行李箱 價錢：HKD$88
MUJI必買好物 | 9. 睡眠噴霧
MUJI睡眠噴霧加入佛手柑、薰衣草、橙皮油等天然香氣成分，有助放鬆心情、舒緩緊張感。瞓覺前只需喺床鋪上輕噴幾下，淡淡香氣就能營造療癒氛圍，令大腦慢慢進入休息狀態，因此被不少網民譽為「失眠人士恩物」。不過呢款商品目前屬日本限定發售，想入手嘅話，就要去日本旅行時到MUJI門市碰碰運氣啦～
【INFO】 睡眠噴霧 價錢：約1,690円
MUJI必買好物 | 10. 黑色牙線
MUJI嘅黑色牙線最近都受到唔少網民推薦！牙線加入吸附力較佳嘅竹炭粒子，加上黑色設計對比更明顯，除咗有效清除齒縫中嘅食物殘渣，保持口氣清新，仲可以清楚見到牙菌斑，用完特別有種「清潔成就感」～不過香港暫時尚未引進黑色牙線，只有台灣限定發售，大家唯有去台灣旅行時再到MUJI門市選購啦！
【INFO】 黑色牙線 價錢：約NT$49
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
