唔知大家屋企係咪都同小編一樣，由細到大屋企人有事無事都最鍾意叫人去茶樓飲茶，食下點心～慢慢人大左，自然都開始養成呢個廣東人會有嘅習慣，不過而家高質又有味道嘅茶樓好難搵！不過最近就比小編發現到上環有間由外國人主理嘅點心Cafe，老闆Nicolas係一位超級親切嘅外國人，佢團隊整出黎嘅點心精緻得黎又有特色，大家如果都想試試，想知地址就記得要睇到最後啦～
圖片來源：IG@manmodimsum、beingwally、chihiyof、happyonmyplate_hk、thilouze、monstersmunchh、weave_suites、jstn.eats、eunice.s.cc、stephanestocki｜撰文：Candice
於古董街開業7年 餐廳主打中西合璧fusion點心
傳統嘅中式點心大家都食唔少，但用西方食材整成個傳統點心、包點就真系第一次見啦～ 呢間Man Mo Cafe自2014年就係上環古董街開業，雖然鋪面細細，但反而有種係老香港中尋寶嘅感覺。店名改為「Man Mo」，其實亦係因為位置鄰近文武廟，簡單又易記！
Cafe裝修都好有特色，鋪面雖然沿用左西方人最愛嘅落地大玻璃，但門口又會擺放一d木臺木凳，配搭埋鄰近嘅小雜貨攤、古物攤，真系有種回到6、70年代嘅古色古香～
入到餐廳，最特別嘅一定係佢地嘅牆身裝飾，店主Nicolas因為鍾意中國文化，經常會搜羅同更換店內嘅擺設、設計，等熟客就算相隔一段時間再次黎到，都會有種煥然一新嘅感覺。
西方食材中式點心 多款fusion餃子食到外國人都讚不絕口！
至於食物方面，Man Mo Cafe嘅fusion 點心更係非一般嘅創新！普通嘅fusion菜餐廳通常都係以西方煮法或調味去烹調出可以令本地人接受嘅融合料理。但店主Nicolas卻大膽嚐新，主動提出用西方食材去製作傳統中式點心，一改點心比年輕人沈悶嘅印象，真真正正黎翻一次中西文化衝擊、交融！
Man Mo Cafe主打多款用西方食材整成嘅中式點心，就算係平時十分常見嘅餃子，佢哋都可以整出多款唔同嘅味道，當中最受歡迎嘅包括Truffle Brie 同 Tomato Mozarrella，餃子嘅表皮重要有紅、橙、綠等唔同顏色。真系無論從視覺定味覺，都可以帶比人一種全新嘅食感！
另外餐廳亦好細心，特地係Menu將由唔同食材整成嘅fusion點心分成veigge、meat同seafood三大類，比大家可以輕鬆按照自己嘅口味同飲食習慣嘗試下佢哋嘅創意料理～
除左餃子之外，其實cafe嘅Burgerbun同肉夾饃都好好食，配上精緻嘅傳統瓷藝餐具，打卡簡直一流！
不過最特別嘅係，黎呢度食點心唔一定要配茶，餐廳提供多款餐酒、啤酒，甚至係cocktail、vodka、whisky都有㗎！
甜品方面，記得一定要試佢哋嘅hong kong egg lemon tart，味道酸甜適中，唔會太膩又帶有檸檬清香～
如果大家都想去試試嘅話就要留意地址啦，最近佢地係IG公布餐廳已經搬左去新舖位，雖然好唔捨得係古董街經營左7年嘅店舖，但佢哋都決定要擴展一下，比更加多嘅人試到佢哋嘅fusion點心！
新舖裝修依然沿用落地大玻璃，不過感覺變得更加闊落同chill～ 放假有時間同幾個朋友一邊食點心一邊嘆下酒，感覺應該都幾放鬆！大家有時間記得去支持下啦～
【INFO】
MAN MO CAFE
地址：上環荷李活道233號荷李活商業中心地下
電話：2644 5644
相關文章：
【全新中環日系小清新烘培Cafe 主打多款手工貝果+司康 店主更設線上麵包店不定期舉辦Pop-Up/面交】
【美式情調】銅鑼灣新開DJ扒房！聽住LIVE SHOW飲酒鋸扒 The MusicBox Grill House & Bar
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
