MUJI好物 | 大家平時又有冇行MUJI嘅習慣呢，就算有行可能都未必有留意到以下呢啲好物，小編就精選咗10樣喺香港MUJI都買到嘅產品，當中除咗有大熱嘅精油香薰，仲有幾款居家必備嘅產品？即刻入內文睇詳情啦！

圖片來源：官方圖片 | 撰文：Hedy

MUJI好物推薦 | 1. 即棄式水垢清潔布
點擊購買

平時返工再加上照顧小朋友咁忙，都未必有時間好好深層清潔家居，好容易喺水龍頭以及爐具上面都會見到水垢，呢個時候小編就推薦一款居家必備神物，幫你輕鬆抹走頑固污垢，就連木村拓哉都忍唔住入手！呢款即棄式水垢清潔布，使用非研磨性粗糙百潔布去除頑固污垢，用水沾濕後輕鬆一抹就可以抹走爐灶，水槽和浴室等地方嘅水垢，兩面均可使用，仲有成30塊可以慢慢用！

【INFO】
《即棄式水垢清潔布》
價錢：港幣$18

MUJI好物推薦 | 2. 精油香薰護理系列
點擊購買

香港MUJI無印良品最近推出精油香薰護理系列，有齊洗頭水、護髮素、沐浴露、身體乳液、洗手液以及潤手霜。呢個系列以天然成分製作，提煉自植物嘅精油，護理系列清爽不黏膩，更提供檜木和薰衣草及依蘭和香橙香味選擇，滿足大家唔同嘅喜好。由於味道同澳洲護膚品牌Aesop幾乎一樣，所以被譽為係Aesop嘅平替，難怪會賣斷市！

【INFO】
《精油香薰護理系列》
價錢：港幣$42起

MUJI精油香薰 | MUJI大熱精油香薰系列、被譽為Aesop平價替代品?!有咩特別？

MUJI好物推薦 | 3. 360°轉動空氣循環扇
點擊購買

夏天又即將來臨，屋企一定要用呢款360°轉動空氣循環扇，開冷氣嘅時候可以令你感到更為涼快，就算唔開冷氣，都可以提升房間嘅通風，寧靜得嚟又將涼風送至每一片角落～再加上循環扇設有香薰盒，只需將2-3滴香薰油滴在墊上，即可享受涼風同時感受香氣！

【INFO】
《360°轉動空氣循環扇》
價錢：港幣$428

MUJI好物推薦 | 4. 迷你LED化妝鏡
點擊購買

女士們出街又點少得一塊鏡呢？隨時攞出嚟補妝補唇膏都一定要去～而無印就有迷你LED化妝鏡，可以方便攜帶出街之餘，仲有三色光源，長按仲可以調整亮度，大家喺街化妝都更加方便啦！

【INFO】
《迷你LED化妝鏡》
價錢：港幣$98

MUJI好物推薦 | 5. 便攜式香薰器
點擊購買

唔知大家平時又有冇用開香薰呢？想喺office或者旅行嘅時候使用，就一定要入手呢部體積小巧嘅便攜式香薰機，除咗可以連接USB使用之外，仲可以無線使用！無需注水隨時享受源自大自然嘅芳香～

【INFO】
《便攜式香薰器》
價錢：港幣$258

MUJI好物推薦 | 6. 豆袋梳化套
點擊購買

豆袋梳化套都係其中一款MUJI大賣嘅產品，無論係擺喺客廳、房間定係工作室都可以畀你隨時放鬆休息。豆袋沙發內填充咗細小顆粒，可以隨著身體嘅姿勢變化提供舒適支撐，多款顏色選擇之餘，仲有補充用嘅專用承托座墊可供選購，配搭出最舒服嘅組合～

【INFO】
《豆袋梳化套》
價錢：港幣$188

MUJI好物推薦 | 7. 發酵導入美容液
點擊購買

用極唔同嘅護膚品都覺得唔夠吸收，小編就推出大家試試發酵導入美容液，用完之後就連化妝後都覺得更加服貼！美容液使用超過65%嘅米糠發酵液製成，只要於爽膚水前使用，可以令保濕成分更易滲透至角質層，令肌膚變得滋潤同緊緻！再加上產品無酒精、無香料、無色素，通過敏感性測試，適合唔同肌膚嘅人士使用！

【INFO】
《發酵導入美容液》
價錢：港幣$128

MUJI好物推薦 | 8. 可調手柄行李箱 36L
點擊購買

MUJI呢款行李箱性價比相當高～除咗夠晒輕巧之外，仲附有滑輪固定器，無論係搭緊交通工具定係突然喺斜路停低，都可以按下按鈕將滑輪固定，咁就唔怕會碌走。而且雙滑輪設計採用吸音性較高嘅素材製成，移動嘅時候就唔會有咁多噪音，相對較為寧靜！

【INFO】
《可調手柄行李箱 36L》
價錢：港幣$1,080

MUJI好物推薦 | 9. 晴雨兼用輕便縮骨傘
點擊購買

袋入面一定要必備一把晴雨兼用嘅縮骨遮，重點係一定要夠輕身之餘，又可以抵擋太陽～而呢把遮仲有黑色同深米色選擇，仲可以遮埋朋友！

【INFO】
《晴雨兼用輕便縮骨傘》
價錢：港幣$128

MUJI好物推薦 | 10. PP電線儲存盒
點擊購買

屋企一定會有唔同嘅線散落喺各個角落，有咗電線收納盒，只要轉動按鈕就可以幫你整齊存放，大家仲可以喺盒外面貼上唔同嘅label，方便收納～

【INFO】
《PP電線儲存盒》
價錢：港幣$15

——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk