韓國女團成員大多都擁有完美身材，當中BABYMONSTER成員雅譞（Ahyeon）更因極纖幼嘅細腰而引起熱烈討論！早前佢喺綜藝《認識的哥哥》中公開快速瘦腰嘅方法，只需要7分鐘就可以練成「沙漏腰」，想擁有好似雅譞咁好嘅Body就即睇教學啦！
圖片來源：YouTube@K-contents Voyage截圖、網絡圖片｜撰文：Sharon
韓國女團BABYMONSTER成員雅譞（Ahyeon）擁有超Fit嘅身材，原來佢係靠以下呢個方法練成！
Step 1：首先躺平，將上半身同腿部騰空，兩隻手向前伸前並上下搖晃，腿部要保持抬起嘅姿勢。呢組動作需維持1分鐘。
Step 2：腰同腳要貼喺地面，利用腰部抬高上半身至45度左右，每次需停頓數秒後再還原原本嘅姿勢，重複呢組動作1分鐘。
Step 3：抬起上半身，用雙手交替捉住膝頭哥，屁股需要貼緊地面！呢組動作一樣要做1分鐘。
Step 4：手部要緊貼頭部，左右扭動身體，膝頭哥要同手臂呈對角線接觸，記得雙手唔好鬆開，並要持續做1分鐘。
Step 5：上半身需要騰空，雙腳合埋並要抬起同放下，重覆抬起同放下嘅姿勢約1分鐘。
Step 6：側身，用其中一隻手臂支撐身體，另一隻手則需要舉起，維持1分鐘。
Step 7：同Step 6嘅做法一樣，只係換另一邊繼續做同樣動作。
如果想練到好似雅譞一樣咁好嘅身材，每日可以做2至3組以加強效果㗎！
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
