聖誕倒數月曆2024 | 聖誕節係一年中最期待嘅節日之一，而聖誕倒數月曆就係將呢份期待昇華，每日都充滿驚喜！每打開一個小格子，就好似拆緊迷你禮物咁，無論係迷你香水、護膚品定係化妝品，個感覺真係超滿足！買嚟送俾朋友，聖誕倒數月曆都係一個超應節又實用嘅選擇。
圖片來源：官方網頁｜撰文：Ginger、Hedy
聖誕倒數月曆 | 1. SABON 限量版倒數日曆
如果你鐘意又靚又香嘅護膚品，SABON 聖誕倒數月曆一定會係你嘅夢幻清單之一！呢個倒數月曆好似一座迷你嘅「法國浪漫小屋」，入面有24份神秘小禮物，每日打開一隻小窗，就好似拆緊聖誕禮物咁開心！唔單止包裝靚，入面每一件都係 SABON 嘅皇牌單品如浴鹽、護手霜、潤膚乳液，仲有香氛、身體護理產品，日日都幫你身、心、靈充滿幸福感！
【INFO】
《SABON限量版倒數日曆》
價錢：$1,280
立即購買：https://bit.ly/4goC2JA
聖誕倒數月曆 | 2. Lancôme Advent Calendar – Holiday Limited Edition
Lancôme 攜手法國藝術家 Safia Ouares推出超夢幻嘅聖誕倒數月曆，更將雪夜鑽石嘅夢幻景緻再加上唔同巴黎絕美嘅建築，設計出獨一無二嘅星空玫瑰圖案～超靚呀！倒數月曆入面仲有唇膏、小黑瓶、精華、眼影、香水等24款產品～
【INFO】 《Lancôme Advent Calendar 》 價錢：$1,478 立即購買：https://bit.ly/4im7xpr
聖誕倒數月曆 | 3. Bobbi Brown Dazzle & Glow Advent Calendar
Bobbi Brown嘅Dazzle & Glow Advent Calendar 12日倒數月曆套裝入面齊曬12件經典熱賣產品，完美結合護膚同彩妝，日日都有新驚喜！套裝入面有長效眼影棒、豐盈唇部精華、煙燻睫毛膏，仲有超滋潤嘅維他命面霜同精華液，連Pink Glow嘅Highlight粉都係亮點之一！每件產品都係Bobbi Brown嘅皇牌之選，幫你化出自然嘅光澤底妝。
【INFO】
《Dazzle & Glow Advent Calendar 12日倒數月曆套裝》
價錢：$1630
立即購買：https://bit.ly/3ZEcylz
聖誕倒數月曆 | 4. YSL 節日限量版倒數月曆禮盒
YSL今年嘅節日限量版倒數月曆禮盒用上金縷繁花嘅包裝，非常高貴，24格抽屜設計，每一格打開都係驚喜！內有4件貨裝產品、19件迷你試用裝，再加1件神秘驚喜，仲有YSL皇牌藏金妍活再生系列產品——滋養油、精華素、活膚盈露，連高訂香氛都有，充滿儀式感又夠晒實用！
【INFO】
《節日限量版倒數月曆禮盒》
價錢：$2,500
立即購買：https://bit.ly/3BoIG3m
聖誕倒數月曆 | 5. DIPTYQUE 聖誕倒數月曆
今年 Diptyque 嘅聖誕倒數月曆，真係靚到令人心動！用旅行箱造型亮相，仲融入咗英國藝術家 Lucy Sparrow 嘅羊毛氈設計，非常有高級感！呢款月曆入面有 25 格驚喜，每日打開一格，都會發現限量版香氛、香氛蠟燭、固體香膏、身體護理產品等，仲係限量版嘅香氛蠟燭，配埋金色燭蓋同毛氈標籤。最貼心嘅係，打開完倒數後呢個盒仔仲可以變成精緻收納箱，放你心愛嘅小物，實用又環保！
【INFO】
《DIPTYQUE 聖誕倒數月曆》
價錢：$3,750
立即購買：https://bit.ly/4fXPHYf
聖誕倒數月曆 | 6. Jo Malone聖誕倒數日曆
今年聖誕，Jo Malone推出經典聖誕日曆，復古玩味嘅節日印花新包裝，入面有25款迷你香氛、蠟燭同奢華身心產品，每日打開一格都係芬芳滿瀉嘅驚喜，仲可以數住日子迎接聖誕，儀式感滿分！經典香氣如黑莓子與月桂葉古龍水、英國梨與小蒼蘭系列，仲有冷杉與艾蒿古龍水，幫你過個最獨特嘅聖誕！
【INFO】
《Jo Malone聖誕倒數日曆》
價錢：$4,215
立即購買：https://bit.ly/3Zr6gEV
聖誕倒數月曆 | 7. LAMER 限量版奇蹟之旅倒數月曆禮盒
無論係任何年齡嘅女人都一定要注重護膚！而頂級貴婦護膚品牌La Mer絕對係唔少人嘅選擇，其修復效果相當出色，想試吓La Mer嘅護膚品就記得要入手～La Mer推出限量版奇蹟之旅倒數月曆禮盒，入面包括：潔面泡沫、肌底修護液、再生活膚精華、極緻修護精華、眼部精華乳霜、柔嫩磨砂潤唇霜、修護唇霜、身體修護乳霜、護手霜、精華輕盈面霜及精華面霜，幫你打造出原生好肌膚～
【INFO】 LAMER《限量版奇蹟之旅倒數月曆禮盒》 價錢：$5,990 立即購買：https://bit.ly/3BoHmxB
聖誕倒數月曆 | 8. MFK The Countdown Calendar
鍾意香水嘅人絕對唔會對MFK Maison Francis Kurkdjian感到陌生～MFK 今年所推出嘅倒數月曆以巴黎創始店Saint Honore 街5號街牌、冬青、槲寄生和杉木枝條等作裝飾，而入面亦有齊蠟燭、沐浴油、淡香精以及精油等，每款最具代表性嘅作品都可以喺度搵到～
【INFO】 《MFK The Countdown Calendar》 價錢：$9,050 立即購買：https://bit.ly/4gcsz8j
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
