Harry Potter迷注意！日系品牌 niko and… 再次搵嚟《Harry Potter 哈利波特》推出全新秋冬聯乘系列，今次最正嘅係唔單止有霍格華茲四大學院，仲加入埋《Fantastic Beasts 怪獸與牠們的產地》嘅可愛奇獸！
圖片來源：官方圖片｜撰文：Sharon
各位麻瓜準備好換上秋冬新裝未？日系生活品牌 niko and… 再次聯乘《Harry Potter》推出全新秋冬系列！今次品牌將經典電影元素融入家居用品同秋冬服飾之中，連《怪獸》系列嘅玻璃獸同多比都登場！由金探子、劫盜地圖到學院風針織外套，每一件都細節滿分，絕對係今季必收之作！
今次系列真心幾豐富，由穿搭服飾到家居雜貨一應俱全，當中秋冬學院風穿搭包括針織外套、復古袋款同隨身配件，全套學院專屬配色，搭出學院Look零難度！ 另外，仲有唔少復古家居雜貨，鐘意儀式感嘅朋友必入！包括金探子、劫盜地圖、9 ¾ 月台掛鐘、桌面質感擺設，連多比馬克杯同玻璃獸造型精品都有！
呢個系列已經喺全線實體店同網店同步正式發售啦！熱門學院款同精品數量有限，想入手嘅Harry Potter迷記得要快手啦！
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
