相信唔少女士們都有減肥嘅經歷，但減肥時期一旦出現「停滯期」或者「撞牆期」，就算幾努力運動，體重下降到某個階段就停滯不前。而明星為咗上鏡更加要控制體重，內地演員吳謹言本身體型嬌小，加上長期控制飲食，出現「停滯期」都好正常，但係為咗喺螢幕前可以更靚出鏡，佢就用「 631瘦身法 」再減咗8kg，實現無痛瘦身！
圖片來源：網絡圖片、IG@wujinyan816｜撰文：Claudia
健康無痛瘦身「631 瘦身法」
「631 飲食法」意思就係將每日嘅飲食份量分成10份，然後按「631」嘅比例進食，喺早餐食六成，午餐食三成，而晚餐就係全日飲食份量嘅一成。主食方面要避免白飯、麵包同埋麵，可以改為糙米、紫米、蔬菜、水果或蛋白質代替，全日嘅蔬菜攝取量建議至少要有5份以上。原理係逐步遞減進食份量，食物選擇需要少油少鹽，多菜少肉，減少澱粉質攝取。食物嘅份量要按自己正常食量調節比例，唔好隨意將份量加大，或者暴飲暴食！
營養師認為「631瘦身法」可行度高
「631飲食法」嘅理論係因為朝早血糖最低，所以可以進食較多食物補充，只要早餐同午餐達至均衡飲食，晚餐少吃，並唔會出現營養不良嘅問題，呢種「倒金字塔式」嘅飲食法，好處在於唔洗特登節食，唔需要挨餓，咁就可以更容易堅持，衝破「停滯期」！
有氧運動加速燃脂
除咗靠健康飲食同埋良好嘅生活習慣，做運動都好重要，運動有助消耗熱量，吳瑾言平時都會透過有氧運動，強化瘦身效果，即使忙碌都會盡量時間晨跑，亦都會跳芭蕾舞鍛鍊肌肉線條！健康飲食加做運動雙管齊下，瘦身效果就可以更加明顯啦！
——————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
