每日5分鐘 兩星期練成蜜桃臀！日本流行瘦臀動作 適合新手！

依家多咗時間留喺屋企，成日坐喺度煲劇或者工作，如果坐姿唔正確，分分鐘會有腰痠背痛嘅情況！久而久之，容易造成骨盆周圍嘅肌肉僵硬，脂肪堆積喺下半身，下半身肥胖嘅問題就好容易出現。最近日本流行「5分鐘瘦臀動作」，只要每日運動5分鐘，只需要兩個星期就可以練成蜜桃臀！一齊入內文跟小編學做呢個瘦臀動作啦！

圖片來源：Youtube@Popo / ぽぽ、網絡圖片｜撰文：Sharon

日本NSCA認受健身教練popo喺Youtube上分享瘦臀動作，只要大家跟住佢做以下呢7個指定動作，短短兩個星期就可以練成蜜桃臀，非常適合初學者！各位女士們一定要留意，想要有完美嘅身型一齊跟住做啦！

第一組動作：

1. 先做深樽動作，然後起身。

2. 企起身後將右腳抬起，完成後換另一邊做同樣嘅動作。

記得要抬起至紅色線嘅高度啊~

第二組動作：

1. 同第一組動作一樣先做深樽動作，然後再起身。

2. 左右小腿再向外張開。

第三組動作：

1. 俯臥後，腰背要保持平直。

2. 然後再右腳提高，要令臀部肌肉有崩緊嘅感覺，完成後左腳做同樣嘅動作。

第四組動作：

1. 平瞓喺地下，膝頭哥保持90度直角。

2. 再做拱橋嘅動作。

第五組動作：

1. 同第四組動作相似，但呢組動作嘅膝頭哥要對外，腳踭要掂到腳踭。

2. 再做拱橋嘅動作。

第六組動作：

1. 雙腳大字型攤開。

2. 再將雙腳抬至半空。

第七組動作：

1. 雙腿平躺，腳踭要掂到腳踭。

2. 小腿向上抬起。

只要大家勤力做運動，想擁有蜜桃臀都唔係一件難事，但最緊要都係量力而為啊！

有興趣嘅朋友可以睇埋原片學住一齊做～