【普拉提推介】近年嘅新興運動 – 普拉提（Pilates）深受唔少明星、模特兒歡迎，皆因普拉提運動結合咗瑜伽、舞蹈、體操訓練，針對訓練身體嘅核心肌肉群，有助改善身型和體態，所以普拉提亦係唔錯嘅減肥運動。以下就會為大家簡介一下普拉提運動嘅好處，仲會推介紹7間人氣普拉提課程，有興趣嘅朋友就可以睇清楚啦！

圖片來源：IG@jennierubyjane、Weibo@鍾欣潼、官方圖片、網絡圖片｜撰文：Jan

普拉提好處：

普拉提（Pilates）目的係提升身體強度、靈活性同協調性，同時提供身心平衡和身體意識，強調訓練身體的核心肌肉群，包括腹肌、背肌、骨盆底肌肉和臀部肌肉。

圖片來源：網絡圖片

普拉提透過一系列伸展、扭轉同平衡嘅動作，可以訓練專注力、身體嘅控制及協調能力，有助提升身體嘅靈活性、改善姿勢。另外，透過呼吸控制訓練，亦有助於放鬆身心、減輕壓力同焦慮，從而促進身心平衡。近年唔少本地明星、韓星，甚至模特兒也熱推普拉提運動，今如BLACK PINK成員Jennie及Jisoo都有玩！

BLACKPINK成員Jennie亦有喺社交平台分享玩普拉提嘅短片。（圖片來源：IG@jennierubyjane）
阿嬌都有玩普拉提。（圖片來源：Weibo@鍾欣潼）

普拉提常見訓練器械：

普拉提訓練期間有機會使用唔同嘅特殊訓練器械，佢地可以增強訓練效果同挑戰性，例如有普拉提圈（Pilates Ring）、普拉提橋（Pilates Barrel）、普拉提核心床（Pilates Reformer）及普拉提鞦韆床（Pilates Cadillac）。如果初學者或目標想修身嘅朋友，可以報讀團體課程；而想玩鞦韆床或需要針對性嘅動作設計，則建議選擇私人課程。

普拉提圈（Pilates Ring），可以用於增加核心肌肉，加強腿部和上肢的力量，同時提供身體對抗力。
普拉提橋（Pilates Barrel），用於培養背部訓練，同時改善姿勢和寒背問題。
普拉提核心床（Pilates Reformer）具有可移動嘅床面同彈簧進行不同嘅調整，可以進行更多變化和挑戰性的動作。
普拉提鞦韆床（Pilates Cadillac）上方有一個長方形架，架上可配搭小環、彈簧等配件進行各款伸展動作。

普拉提課程推介 1. O2 Pilates

呢間主打韓式普拉提器械訓練中心，提供私人同團體普拉提課程，亦有10多位專業導師選擇，並提供修身、腰背護養、婚前塑型等普拉提訓練課程，分店分佈喺灣仔、佐敦、觀塘，相當方便。

中心主打韓式普拉提器械訓練。（圖片來源：官方圖片）
【Info】
《O2 Pilates》
地址：
灣仔分店 - 駱克道53-55號 恆澤商業大廈2/F
佐敦分店 - 上海街 80號 華海廣場 11樓 1103-1105室
觀塘分店 - 觀塘成業街6號泓富廣場 3樓 301-303室（11月6日開幕）
價錢：
私人課程 - $1200起/堂
團體課程 - $300起/堂
官網：https://bit.ly/3tLczqk

普拉提課程推介 2. Blute Pilates 

呢間工作室提供墊上及器械普拉提練課程，採納小班教學模式，由1人到4人小姐班都有，學員能得到貼身同合適嘅指導，以便更快雕塑修長體型及提升運動能力。

工作室採納小班教學模式，由1人到4人小姐班都有。（圖片來源：官方圖片）
【Info】
《Blute Pilates》
地址：
葵芳分店 - 葵芳新都會廣場2座8樓1811室
觀塘分店 - 觀塘東廣場寧晉中心26樓H02 & 03室
價錢：$328起/堂
官網：https://bit.ly/499pwe6

普拉提課程推介 3. Pilates Anywhere

想喺新界區搵普拉提課程嘅朋友，亦可以試下呢間位於沙田石門嘅工作室，佢地提供器𢬿普拉提同墊上普拉提課程，加上工作室嘅落地大玻璃望向遼闊嘅園林景，一邊望住靚景，一邊做普拉提特別舒暢。另外亦可以根據客人要求嘅時間或地點提供墊上課堂，大家就更容易約埋朋友一齊玩啦！

4人以上可根據客人要求嘅時間或地點提供墊上課堂。（圖片來源：官方圖片）
【Info】
《Pilates Anywhere》
地址：沙田石門安耀街5號 W Luxe 3樓 N3
價錢：$200起/堂
電話：9680 9549
官網：https://bit.ly/3tum6lC

普拉提課程推介 4. Be Plus

呢間尖沙咀人氣普拉提中心，有唔少藝人亦有到訪過，如蔣家旻、高海寧。中心擁有6000呎寬敞舒適環境，提供唔同普拉提課程計劃，如1對1、團購、自由組隊三人同行等，而且位置方便，更可以見到文化中心美景呢！

中心擁有6000呎寬敞舒適環境。（圖片來源：官方圖片）
【Info】
《Be Plus》
地址：尖沙咀九龍公園徑1號裕華國際大廈7樓全層
價錢：$180起/堂
電話：5288 9893
官網：https://bit.ly/3tzvZOZ

普拉提課程推介 5. ANHAO Wellness

呢間位於港島區嘅Fitness Studio，由一位法國前國家體操運動員創立，每位導師都經驗豐富，均有提供個人及小姐普拉提課程，適合初學者，以至產前產後女士或做開運動嘅朋友。

位於港島區嘅Fitness Studio，提供個人及小姐普拉提課程。（圖片來源：官方圖片）
【Info】
《ANHAO Wellness》
地址：
中環 - 樓梯街5號Sunny Sky Center 1樓 & 4樓
銅鑼灣 - 銅鑼灣勿地臣街3號Art Piece19樓
價錢：$360起/堂
官網：https://bit.ly/3PZuJw8

普拉提課程推介 6. O:RIN

呢間普拉提中心嘅創辦人以前從事金融，但工作令佢身體長期疲憊同慢性背痛，透過普拉提同GYROTONIC令佢大大改善。所以中心嘅普拉提課程會重點針對身體調整同姿勢矯正，團隊導師人才豐富，同樣受腰痛困擾嘅朋友可以試試。

普拉提課程會重點針對身體調整同姿勢矯正。（圖片來源：官方圖片）
【Info】
《O:RIN》
地址：
鰂魚涌 - 鰂魚涌華蘭中心19樓/9樓
尖沙咀 - 九龍尖沙咀裕華國際大廈4樓
價錢：$350起/堂
官網：https://bit.ly/3M4f4KV

普拉提課程推介 7. Latte Pilates

呢間啱啱新開嘅普拉提中心，課程針對唔同需要同體態目標，如強化肌肉、矯正姿勢、修身美臀等。另提供2個級別嘅課程，初學者亦可參與。

普拉提中心提供2個級別嘅課程，初學者亦可參與。（圖片來源：官方圖片）
【Info】
《Latte Pilates》
地址：荔枝角長沙灣道650號中國船舶大廈16樓1603室
價錢：$320起/堂
WhatsApp：6235 2095 
官網：https://bit.ly/3M6SEZg

——————————————————

Follow 我哋睇更多最新情報！ 

Facebook – SAUCE – 為生活加一點味道

Instagram – sauce.media.hk

YouTube – @saucemediahk