深圳雲櫻之境 | 呢個季節最啱就係去賞花，滿滿嘅粉紅海令人睇到都覺得賞心悅目。而深圳最近就有粉色浪漫櫻花海，近1000㎡粉櫻夢境出現喺眼前，仲有巨型熱氣球以及夢幻櫻花雨等，免費觀賞之餘仲要係地鐵直達，交通超方便！即刻入內文睇詳情啦！
圖片來源：小紅書@维森、深圳布吉万象汇、Push-UG | 撰文：Hedy
春天就會令人聯想到櫻花，而最近喺深圳嘅粉櫻花園絕對係大熱，無論係日頭定係夜晚打卡都超夢幻！深圳布吉萬象匯為大家提供絕美櫻花打卡位「雲櫻之境」，近1000㎡雲朵粉櫻花，一大片嘅粉色花海，令你享受被花海包圍嘅春天，幸福感滿滿！同場仲有4大絕對唔可以錯過嘅打卡位，活動免費入場，大家可以喺現場預約！
深圳雲櫻之境 | 1. 雲端熱氣球
巨型粉色熱氣球被滿滿嘅櫻花包圍，被櫻花簇擁嘅畫面下，大家只要企喺下面或者用背景仰拍，點影都咁靚～
深圳雲櫻之境 | 2. 雲櫻之雨
頭頂係超可愛嘅白色雲朵，時不時仲會有櫻花雨飄落，大家打卡嘅時候仲可以將飄落嘅花瓣捉住，效果一定相當唯美～
深圳雲櫻之境 | 3. 櫻鏡之亭
喺充滿櫻花嘅鏡面電話亭，絕對係一個最佳打卡位，電影感即刻出晒嚟。無論係影全身定半身都相當夢幻！
深圳雲櫻之境 | 4. 櫻花大道
步入櫻花茂密嘅林間大道，沉浸式感受雲朵與繁花共繪嘅夢幻氛圍，隨便喺度影相都超有Feel！
【INFO】 《深圳布吉萬象匯「雲櫻之境」》 日期：即日起至2025年6月2日 時間：10:00至22:00 費用：免費入場（需於現場預約） 地址：深圳布吉萬象匯1號門 南廣場 交通：5號線百鴿籠站C出口
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
