藍莓食就食得多，但粉紅色嘅藍莓你哋又食過未？最近韓國出現一款「粉紅藍莓」，引起熱論！據了解呢款「粉紅藍莓」居然有水蜜桃香味，完全同大家平時食嘅藍莓唔一樣！

圖片來源：RED｜撰文：Sharon

「粉紅藍莓」最近喺韓國爆紅！賣相少女心十足，勁粉嫩，入口居然有水蜜桃香氣，啖啖爆汁！而呢款藍莓係粉紅色係因為佢嘅花青素含量同普通藍莓唔同，所以先呈現出夢幻粉色！而且佢嘅總花青素含量大概只有普通藍莓嘅一半，但仍然有抗氧化與護眼功效。

韓國部分地區已經發售呢款樹苗，大家可以買返屋企親自種植再食用，不過呢個品種目前仲未未穩定，對生長環境要求高，所以購買時都要考慮清楚啊！不過小編真係好好奇，究竟係咪真係咁好食呢？

——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk