東京迪士尼唐老鴨 | 日本東京迪士尼早前宣布推出米妮主題後，將會喺4月9日推出第二彈並以唐老鴨為主題，各位唐老鴨粉絲一定唔可以錯過，即刻睇睇有咩活動重點！
圖片來源：東京迪士尼 | 撰文：Hedy
東京迪士尼唐老鴨活動重點1. Donald’s Quacky Duck City
東京迪士尼喺今年推出「Disney Pal-Palooza」，第一彈以米妮為主角推出「Minnie’s Funderland」，而第二彈將會由唐老鴨變身成為主角，以「Donald’s Quacky Duck City」為主題，打造出唐老鴨嘅理想城市「Duck City」，活動將會喺4月9日至6月30日舉行，鴨迷們有福啦！
東京迪士尼唐老鴨活動重點2. 限定裝飾
作為活動主角，園區入面當然會佈置滿滿嘅唐老鴨裝飾啦，一入到去就會見到唐老鴨花圃，更會喺灰姑娘城堡前面嘅廣場地下印有歡迎大家進入Duck City嘅圖案。就連喺世界市集中央都設有巨型唐老鴨紀念碑，金光閃閃相當輝煌！無論去到邊你都可能發掘到唐老鴨嘅獨特裝飾！
東京迪士尼唐老鴨活動重點3. 限定表演
迪士尼朋友會喺表演入面稱讚唐老鴨係超級明星，更會穿上唐老鴨代表顏色藍、白、黃嘅衫，為大家帶嚟一場充滿喜慶嘅遊行 。而今次更會有特別嘉賓，皮特將會喺表演上面首次亮相。每日將會有1至2場表演，每場約35分鐘。
東京迪士尼唐老鴨活動重點4. 周邊商品
入到迪士尼點都要帶走啲紀念品，今次將會推出一系列Duck City周邊，當中包括束口袋、毛巾、徽章以及糖果等等。入面更有以唔同顏色嘅鴨鴨玩具，只要搖晃玩具就會發出「呱呱」聲響，超可愛！商品將會喺4月8日起開始發售，粉絲們記得要入手喇！
東京迪士尼唐老鴨活動重點5. 限定套餐
大家可以喺度盡情享受以唐老鴨為主題嘅Special Menu，入面以牛肉肉醬麵為主食，上面嘅蛋更加入咗唐老鴨隻腳，超可愛。甜品仲有超得意嘅芝士鳳梨慕斯蛋糕。只要選購飲品，更可以攞走埋限定杯墊，咁就可以帶翻屋企留念！
東京迪士尼唐老鴨活動重點6. 唐老鴨主題房間
喺東京迪士尼玩完之後，更可以入住以唐老鴨為主題嘅房間，成間房都會以唐老鴨嘅標誌性藍色同黃色作佈置，再加上每個可愛嘅唐老鴨卡通元素。住完之後你仲可以帶走埋入面嘅鎖匙卡同埋紙袋等等，絕對可以令你感到滿足！
東京迪士尼唐老鴨活動重點7. 期間限定車票
由4月8號到6月30號，大家都可以買到帶有今次唐老鴨設計主題嘅車票，可愛嘅唐老鴨受到萬人愛戴般，成為主角，手上更攞住唔少嘅冠軍慶祝，超可愛！
【INFO】 Donald's Quacky Duck City 日期：2024年4月9日至6月30日 地址：1-1 Maihama, Urayasu, Chiba 279-0031日本 活動網站：https://bit.ly/4bNGCj4
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
