七龍珠主題樂園 | 日前《七龍珠》官方網站宣布將會與沙特阿拉伯公司Qiddiya Investment Company合作，建造世界上首個以及唯一嘅七龍珠主題樂園，佔地更超過50萬平方公尺，還原各種經典場面！
圖片來源：X@qiddiya | 撰文：Hedy
沙特阿拉伯公司Qiddiya Investment Company展開超大型投資項目，將會喺首都利雅德（Riyadh）嘅郊外一處新高級旅遊勝地吉迪亞（Qiddiya），打造出《七龍珠》主題樂園，佔地50萬平方公尺，預計斥資超過千兆。主題樂園將會分為7個園區，共30多個遊樂設施，還原系列中各種具有標誌性嘅地點，包括「龜仙人小白屋」、「膠囊公司」以及「天下第一武道大會會場」等等。
七龍珠主題樂園 | 70米高神龍
當中最矚目嘅莫過於係作為地標嘅70米高嘅神龍，將會坐落喺主題公園中央，而入面仲有過山車，四周更會散落七顆龍珠，相信效果一定好震撼～雖然仲未知道園區入面嘅詳細資料同開幕日期，不過官方就有透露園區入面將設有設備齊全嘅主題飯店、酒店以及餐廳，令大家可以繼續沉醉喺龍珠嘅世界入面！
七龍珠主題樂園 | 樂園內部公開
相信各位粉絲都對全球首座七龍珠主題樂園，有相當大嘅興趣～而官方亦都上載咗有關樂園嘅影片，等大家期待下，唔知你哋又會唔會特登飛去玩呢？
【INFO】
七龍珠主題樂園
開幕日期：暫未公佈
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
