台北餐廳 2023｜去得台灣，當然要食盡台灣當地美食啦！大家除咗去夜市掃街之外，都會想正正經經搵間環境唔錯嘅餐廳坐低慢慢食，享受一吓假期～今次就為大家搵嚟5間 台北餐廳 推介，有台灣必食嘅麻辣火鍋、抵食鐵板燒及自助餐、燒肉同埋牛肉麵。經網上預訂就唔驚去到要等位，而且仲有優惠㗎！
圖片來源：KKDAY、KLOOK、官方圖片｜撰文：Athena
台灣火鍋推介 1. 台灣鼎王麻辣鍋【送梅花豬肉】
鼎王麻辣鍋，相信大部份人都有聽過，作為台灣嘅人氣排隊店，你又點可以錯過呢？佢哋嘅店名都寫住「麻辣」，咁當然麻辣鍋係必食之選！佢哋嘅酸菜白肉同樣出色，叫鴛鴦鍋就實無錯啦～ 麻辣鍋湯底麻香濃厚，鍾意食辣你一定要試吓。食麻辣鍋又點少得鴨血呢？店員會主動為客人添加配料，例如豆腐、鴨血、酸菜等，仲要係免費無限任加，超抵食！鴨血吸晒麻辣濃湯及肉嘅精華，好惹味！鼎王嘅分店遍佈台灣，無論係台北、台中定高雄都有分店。
而家網上買四人同二人套餐都好抵食，湯底可以揀麻辣鍋或者酸菜白肉鍋，配料就有「牛豚雙拼」、「鴛鴦滑」、「手工魚丸」同「虎皮豆捲」等等。人數足夠或者大家都好食得就要叫四人套餐！有得食埋「伊比利豬嫩肩胛」、「香滷毛肚」等配料。另外，兩個套餐都會送一份「梅花豬肉」㗎。四人餐同二人餐平均每位都只係HK$238.5同HK$211.5，真係好抵食呀！網上預訂會幫你訂埋位，咁就唔使等去到台灣先book位啦！
【INFO】
台灣鼎王麻辣鍋
鼎王麻辣鍋 90 分鐘4人套餐
優惠價HK$846/套（原價HK$886）平均HK$211.5/位
鼎王麻辣鍋 90 分鐘2人套餐
HK$477/套（原價HK$486）平均HK$238.5/位
可用分店：
台北 －忠孝店、台北光復店、台北西門町成都店、桃園南平店、竹北光明店
台中－精誠店、台中公益店、台中漢口店
高雄－富國店、高雄七賢店
營業時間：星期一至日 11:30 - 21:00
傳送門：https://bit.ly/3NvKuLk
台北燒肉推介 2. 乾杯烤肉居酒屋【送日本和牛】
Cheers 乾杯烤肉居酒屋氣氛超好，其中最為人熟悉嘅招牌活動，就係「親親五花肉」同埋「八點乾杯」。「親親五花肉」活動，只要客人親吻10秒，餐廳就會送你一份有戀愛感覺嘅五花肉。「八點乾杯」活動，每晚8點，主持人就會開始介紹當晚嘅特別客人，包括慶祝生日嘅客人、慶祝結婚紀念日嘅客人等。客人分享完自己嘅故事或感受後，跟住主持人一齊舉起手上嘅飲品，全場一齊乾杯飲晒佢，就會免費再送多一杯俾你！
另外，餐廳嘅食物質素都好高。佢哋採用日本A4+級以上和牛，每一塊食落都充滿牛脂香；F2+級以上澳洲和牛，係以400多日糧飼超長效養肥，形成高品質嘅冷藏熟成肉，油香豐富，肉質細嫩。
依家上網預訂乾杯套餐仲會送一碟日本和牛，CP值夠晒高！無論係「乾杯特色套餐」定係「乾杯經典套餐」都可以品嚐到「和牛拼盤」、「日本和牛牛扒」、「薄切鹽蔥醬牛五花」、「薄切學生牛五花」、「宜蘭產特製鴨胸」等食材。「乾杯特色套餐」嘅和牛拼盤質素會更加好，亦會提供「西班牙伊比利梅花豬」；「乾杯經典套餐」則提供「西班牙伊比利豬肋條」。即使你揀邊個套餐都係咁吸引～兩個套餐分別平均每位都只係HK$309同HK$281起，快啲去預訂啦！
【INFO】 乾杯烤肉居酒屋 【送日本和牛】乾杯特色套餐 優惠價：HK$646/2 位；HK$926/3 位 【送日本和牛】乾杯經典套餐 優惠價：HK$562/2 位；HK$842/3 位 地址：台北市大安區敦化南路一段236巷17號 營業時間：星期一至日 11:30-15:00；17:00-22:30（最後點餐時間14:00及22:00） 傳送門：https://bit.ly/464zcot
台北餐廳推介 3. Mosun 墨賞新鐵板料理餐廳
香港食鐵板燒一般都大約$500起跳，今次就為大家搵嚟低至$370嘅鐵板燒餐廳，一個價錢包含9道菜式，好抵食啊！餐廳主廚曾經多次前往日本東京取經，並運用過往同米其林大廚嘅工作經驗，用心製作每一道餸菜。師傅態度嚴謹，致力將法式料理與鐵板燒結合。餐廳用餐環境以黑色同紫色為主調，營造低調奢華感覺。餐廳已經連續3年榮獲TripAdvisor五星級優秀證書，食物質素有保證。
時令鮮魚或芝士生蠔海陸單人套餐，依家網上預訂做緊限時91折優惠！前菜可以任選「時令鮮魚」或「廣島芝士生蠔」，主餐揀「白蘭地櫻桃鴨胸肉」、「香煎煙肉雞排」、「PS一級菲力牛排」、「諾曼底蘋果松阪豬肉」等；餐湯可以揀「牛肝菌泡沫蘑菇湯」、「意大利番茄蔬菜牛肉湯」、「匈牙利海鮮湯」等；仲有沙律、開胃菜、法式手工麵包、時令鐵板燒炒飯、甜品及飲品。套餐有足足9道菜，包你食得飽啊！餐點內容會因時令食材不同而有所調整，一切以現場供應為主。
【INFO】 Mosun 墨賞新鐵板料理餐廳 【限時91折】陌上新鐵板燒餐廳｜時令鮮魚或芝士生蠔海陸單人套餐（需電話預約） 價錢：HK$370 地址：台北市大安區忠孝東路四段155號2樓 餐廳電話：(02) 2731-9966 營業時間：星期一至日 11:30-15:00；17:30-23:00（最後點餐時間14:00及21:30） 兌換方式：使用此券需提前1天電話預約，並告知憑證上的驗證碼及體驗券內容 KLOOK優惠：https://bit.ly/3Nc3IEj KKDAY優惠：https://bit.ly/3NcPnYh
台北自助餐推介 4. 欣葉日本料理 任食自助餐
喺台灣食自助餐價錢真係特別平，欣葉日本料理作為台灣最強嘅日式料理自助餐，佢哋嘅晚市自助餐都只係HK$282起，真係好抵食啊！佢哋嘅獨特日式風格獲國內媒體評比為「台北任食餐廳第一名」，更獲得全球旅遊網站Tripadvisor 卓越獎殊榮。自助餐嘅食物選擇都唔少㗎，包括：冰鎮海鮮、漁港直送刺身、烤爐即切肉扒手拌醋飯壽司、即點即做手卷、懷石料理小碟、屋颱風燒烤、炸物天婦羅、極尚一品料理、和風蒸物、甜品等（食物及料理依季節時令調整，菜式以現場供應為準）。
【INFO】 欣葉日本料理 自助午餐 每位HK$219/位 起 自助下午茶自助餐 每位HK$174/位 起 晚市自助餐 每位HK$258/位 起 分店： 觀前店 - 台北市中正區 地址：台北市中正區觀前路12號6樓 欣葉日式自助餐建康店 地址：台北市松山區健康路156號 中茂店 - 桃園市桃園區 桃園市桃園區同德五街67號10樓 營業時間： 星期一至五：午餐 11:30 - 15:00；晚餐 17:30 - 21:30 星期六至日、指定日子及假期：午餐 11:10-13:10或13:30-15:30；晚餐 17:10-19:10或19:30-21:30 KKDAY優惠：https://bit.ly/465gCN5 KLOOK優惠：https://bit.ly/446HQ4f
台北餐廳推介 5. 洪師父牛肉麵
嚟到台灣又有咩可能唔食牛肉麵？洪師父牛肉麵曾經成為5屆冠軍牛肉麵，可以話係台灣必食嘅牛肉麵店啊～餐廳主打各種口味嘅牛肉麵，包括紅燒、酸白菜、番茄、清燉等多種口味。食材新鮮、天然又健康。洪師父開店嘅理念，係想以牛肉麵向世界各地宣傳台灣飲食文化。所以佢哋除咗提供牛肉麵外，更有售賣多種口味嘅牛肉乾及牛肉麵調理包。快啲去品嚐世界級嘅台灣美味啦！
紅燒牛三寶牛肉麵：於2006年牛肉麵節比賽中，成為紅燒組最高評分一，好厲害！牛肉麵包含牛筋、牛肚及牛肉。牛筋食落軟嫩，入口即化；牛肚啖落彈牙有口感；而牛肉則選用腱心肉，軟嫩多汁有肉味。
酸白菜牛肉麵：曾經獲得國際邀請賽金牌。清燉牛肉麵加入古法自製嘅酸白菜，可以解一解油膩感之餘，仲可以增加湯頭嘅層次。酸白菜牛肉麵食落微酸溫和，感覺好舒服！
紅麴番茄麵：呢碗蕃茄牛肉麵加入牛腩肉及牛肋條，以天然發酵的紅麴製品為佐料。再加入蕃茄、木瓜、洋蔥等蔬果，食落酸酸甜甜更開胃！
清燉五花牛腩麵：於2007年牛肉麵節比賽中，獲得清燉冠軍。以新鮮台灣牛肋條，加入多種食材，例如洋蔥、紅蘿蔔、白蘿蔔等配料，用細火慢燉。特選牛小排肉質鮮嫩，煮到半熟，呈現粉紅幼嫩嘅色澤，湯頭飲落一啲都唔油膩！
【INFO】
洪師父牛肉麵
地址：台北市中山區建國北路二段72號
營業時間：星期一至日 11:00 - 20:00（ 20:00-20:30 僅供外帶）
KKDAY優惠：https://bit.ly/442c2x9
KLOOK優惠：https://bit.ly/3PbyKyQ
——————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
