歐洲首個環球影城將進駐英國，預計2031年正式開幕！英國環球影城面積將會比大阪環球影城大足足4倍，除咗《侏羅紀公園》、《迷你兵團》主題區域，據了解《007》、《魔戒》同《柏靈頓熊》都會登陸環球影城！即睇內文了解詳情啦～

圖片來源：官方圖片｜撰文：Sharon

環球影城宣佈喺英國興建第六個環球影城主題公園，選址英格蘭貝德福德郡（Bedfordshire），面積將會比大阪環球影城大足足4倍，預計2031年正式開幕！

環球影城進駐英國！（圖片來源：官方圖片）
選址英格蘭貝德福德郡（Bedfordshire）。（圖片來源：官方圖片）

最新消息指《回到未來》、《侏羅紀公園》、《迷你兵團》、《007》、《魔戒》同《柏靈頓熊》園區都有份！至於《哈利波特》園區會唔會出現，目前仲未有最新消息。

樂園除咗主題區域，仲會興建度假村，包括提供500間客房嘅酒店、主題餐廳、紀念品店同娛樂設施等。英國環球影城預計2026年開始正式動工，大家要好好期待喇！

——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk