沖繩JUNGLIA | 各位恐龍迷注意啦！沖繩將迎來大型侏羅紀恐龍主題樂園，簡直就係真實版侏儸紀公園，帶大家行入充滿神秘感嘅熱帶叢林，到時去沖繩就多一個好去處啦～即刻入內文睇介紹啦！
圖片來源：官方圖片 | 撰文：Hedy
大型侏羅紀恐龍主題樂園「JUNGLIA OKINAWA」坐落於沖繩北部嘅世界自然遺產「山原國立公園」（やんばる）旁，前身為高爾夫球場，規模相當於13個東京巨蛋，比日本環球影城仲要大！「JUNGLIA OKINAWA」以叢林探險為主題，將會喺今年7月25開幕！大家可以喺玩機動遊戲嘅過程入面，欣賞埋沖繩絕美嘅自然風光～
遊樂設施 | 1. 裝甲車森林冒險 DINOSAUR SAFARI
當大家一踏上裝甲車穿越大草原嘅時候，最致命嘅肉食恐龍T-REX將會突然襲擊你，已經絕種嘅草食恐龍將會喺你面前出現，大家要奮力逃出！
遊樂設施 | 2. 巨型熱氣球體驗 HORIZON BALLOON
喺巨型熱氣球上俯瞰，大家都可以睇到360°全方位嘅壯觀景色， 隨著海拔慢慢升高，逐漸睇清翠綠海洋以及陽光明媚嘅湛藍天空！日落時分睇仲會相當浪漫！
遊樂設施 | 3. 高空滑索 HUMAN ARROW
鍾意刺激嘅朋友就一定要試試高空滑索，前一秒被拉扯著不斷向後倒退，下一秒就已經衝入叢林，就好似置身於電影入面嘅驚險場景一樣！
遊樂設施 | 4. 吊橋挑戰 TREE-TOP TREKKING
畏高嘅人絕對唔好試！叢林上方將會有一座吊橋，大家將要跨過大大小小嘅縫隙，沿途上仲有9個挑戰點等緊大家，每行一步都令你心跳加速！
遊樂設施 | 5. 尋找恐龍 FINDING DINOSAURS
大家將會嚟到可愛恐龍居住嘅世界，而你哋嘅任務就係要搵到走失嘅小恐龍！大家將會駕駛推車穿過隧道般嘅樹林，仲要駛過搖晃嘅吊橋，更有昏暗崎嶇不平嘅山洞等緊大家，記得攞起自己嘅勇氣，勇敢地穿越叢林！
遊樂設施 | 6. 越野車體驗 BUGGY VOLTAGE
想真正感受熱帶原野嘅風氣，就一定要去駕駛越野車～
遊樂設施 | 7. 飛越叢林 SKY PHOENIX
想體驗同雀仔一樣穿越叢林山谷，就記得要張開雙手振臂飛翔，而眼下更係茂密嘅熱帶植物同鋪天蓋地嘅自然原野，令你成為自由自在嘅飛鳥！
遊樂設施 | 8. 煙火 NIGHTTIME ENTERTAINMENT
夜幕染上紅、黃、藍、綠與純白嘅光彩，煙火隨園區嘅音樂燦放於夜空中，一邊感受熱帶晚風一邊抬頭享受此種美景！
遊樂設施 | 9. 高空鞦韆 TITAN’S SWING
坐上四人座鞦韆上，你將會離地面愈來越遠！鞦韆隨著熱帶嘅風高速擺動，眼前嘅景色從墨綠嘅叢林變成湛藍嘅天空，大家可以盡情放聲尖叫。
遊樂設施 | 10. SKY-END TREKKING 空中吊橋
想挑戰自己嘅膽量，就絕對要玩空中吊橋，比踏板寬度還要大嘅縫隙，一眼就能望進叢林谷底！遙遠嘅踏板距離隨時令你心跳加速！
遊樂設施 | 11. BUNGEE GLIDER
距離地面約20公尺，大家嘅身體將懸浮喺叢林嘅半空中，以超高速墜落，令你腎上腺素激增，尖叫聲不斷！
遊樂設施 | 12. GRAVITY DROP 自由落體
從大約20公尺嘅高空懸浮喺半空中，突然之間，鉤子被取下。隨著尖叫聲，成個身體向後仰著墜落，超刺激～
沖繩恐龍主題樂園 | 美食介紹
除咗以上刺激嘅遊樂設施之外，沖繩侏羅紀恐龍主題樂園「JUNGLIA OKINAWA」亦設有唔少嘅美食！當中包括擁有壯觀景色嘅PANORAMA DINING、燒烤料理WILD BANQUET、沖繩美味料理TROPICAL OASIS以及唔同嘅FOOD CART，等大家都可以享受美食！
沖繩JUNGLIA | SPA
想好好喺咁靚嘅景色入面享受，就絕對唔可以錯過SPA體驗～沉浸喺無邊際嘅浴池入面，望住世界自然遺產嘅森林區域同山原地區嘅群山融為一體。你可以享受各種SPA體驗，當中包括洞窟浴池同具有美膚效果嘅天然溫泉，超寫意～
【INFO】
《SPA 體驗》
價錢：兒童(4至11歲） 1,700日圓（含稅1,870日圓)；成人2,800日圓（含稅3,080日圓)
沖繩JUNGLIA | 門票價錢
JUNGLIA樂園提供「一日門票票」與「水療門票」兩種票券選擇，3歲以下兒童免費。
| 門票 | 成人票價 | 兒童票價 |
| 一日門票 | 8,800日圓 (含稅) | 5,940日圓 (含稅) |
| 水療門票 | 3,080日圓 (含稅) | 1,870日圓 (含稅) |
【INFO】 《 沖繩JUNGLIA） 開幕日期：2025年7月25日 地址：日本沖繩北部今帰仁村 官方網站：請按此
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
