易賞錢｜依家買嘢賺易賞錢積分之餘，仲有得換國泰航空「亞洲萬里通」里數，儲夠里數仲可以隨時換機票？！即刻入內文睇吓點兌換喇！
圖片來源：官方圖片 | 撰文：Hedy
大家平時去買嘢賺易賞錢積分，除咗可以憑積分喺百佳、屈臣氏、豐澤、屈臣氏酒窖及3香港當錢使或換領心儀現金券及精選禮品之外，原來依家仲可以轉換成里數？！由即日起，易賞錢積分同「亞洲萬里通」里數已經可以雙向轉換，喺里數同積分之間轉換更靈活！1,500易賞錢積分已經可以轉換300「亞洲萬里通」里數，而2000「亞洲萬里通」里數可以轉換為4,250易賞錢積分，平時有儲開里數嘅朋友仲可以更加快換到機票！以台灣機票為例，14,000起「亞洲萬里通」里數就換到，而日本就要26,000里數起。
完整教學：
1. 先成為「易賞錢」及國泰會員
2. 下載及開啟「易賞錢」手機應用程式(點擊 主頁 > 更多>積分轉換>國泰)
3. 綁定國泰會員賬號及轉換「易賞錢」積分為「亞洲萬里通」里數
- 1,500 「易賞錢」積分 = 300「亞洲萬里通」里數（每月最高轉換額30,000「易賞錢」 積分 = 6,000「亞洲萬里通」里數）
- 2,000 「亞洲萬里通」里數= 4,250 「易賞錢」積分（每日最高轉換額30,000「亞洲萬里通」里數 = 63,750「易賞錢」積分）
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
