日本花火大會2026｜冬天都可以去日本參加花火大會～日本每年入冬之後都舉辦唔少花火大會，由聖誕、倒數跨年，到浸住溫泉慢慢睇都有。今次就幫大家精選咗7大日本冬季花火大會，附上交通路線，等大家輕鬆plan定行程啦！
圖片來源：東京台場官網、洞爺湖温泉觀光協會官網、熱海市觀光協會官網、ISOGAI花火劇場in名古屋港官網、HUIS TEN BOSCH、秩父夜祭官網、岐阜縣觀光協會 | 撰文：Icy、Hedy
日本花火大會 | 1. 台場彩虹煙火大會
東京台場將於今年12月舉辦共五場「台場彩虹煙火大會」，每場約5分鐘，以東京地標彩虹大橋為背景，配合橋上嘅彩燈裝飾，發射約1,300發煙火，點亮整個夜空。而聖誕節前後，煙花更會搭配聖誕主題音樂，營造濃厚浪漫嘅節日氛圍！
【INFO】 台場彩虹煙火大會 地點：東京都港區台場海濱公園 日期：2025年12月24日、12月27日 時間：晚上19:00 交通方法：從新橋站乘搭百合海鷗號至「台場海濱公園站」，步行約1分鐘 官方網站：https://bitly.cx/DScqI
日本花火大會 | 2. 長崎豪斯登堡倒數煙火
12月又點少得跨年倒數活動呢！位於長崎縣嘅豪斯登堡將於12月31日舉行「豪斯登堡倒數煙火」。屆時會於充滿歐陸風情嘅街道上，發射多達8,000發煙花，配合音樂噴泉同燈光秀，可謂日本最大規模嘅冬季花火大會之一～園區內設有多個觀賞點，例如水上花園、海濱前區等等，無論行到邊都感受到夢幻又浪漫嘅倒數氣氛！
【INFO】 長崎豪斯登堡倒數煙火 地點：長崎縣佐世保市豪斯登堡町1-1 日期：2025年12月31日 時間：凌晨00:00（最終入園時間為晚上23:00） 交通方法：從博多站乘搭豪斯登堡特急電車，車程約100分鐘/從佐世保站乘搭往「長崎」方向JR列車，車程約20分鐘 官方網站：https://bitly.cx/iLwJ
日本花火大會 | 3. 岐阜冬季下呂溫泉花火物語
下呂擁有歷史悠久嘅溫泉旅館，被譽為日本三大名湯之一。由2026年1月10日至3月28日期間，飛騨川河畔將於每逢星期六舉行「下呂溫泉花火物語」，每場為時約10分鐘。花火更會因應不同節日而設計，包括1月嘅成人節、2月嘅情人節、以及3月嘅櫻花主題，每次都會為觀眾帶來全新驚喜！
【INFO】 岐阜冬季下呂溫泉花火物語 地點：岐阜縣下呂市下呂大橋下流飛驒川河畔 日期：2026年1月10日至3月28日（逢星期六） 時間：晚上20:30 交通方法：由名古屋乘搭JR特急飛驒號至「下呂站」，車程約1小時40分鐘 官方網站：https://bitly.cx/pasZ
日本花火大會 | 4. 河口湖冬季花火大會
每年最期待嘅絕對係河口湖冬季煙火大會，一次過飽覽富士山同絕美煙火！喺白茫茫嘅富士山映襯之下仲有為夜空增添色彩嘅煙火，絕對係超啱大家欣賞！煙火大會將會喺2026年1月24日至2月23日，每個星期六、星期日以及2月23日舉行，一共11場嘅煙花匯演！大家都可以喺大池公園（主會場）、榻榻米岩以及八木崎公園欣賞到～
【INFO】 《河口湖冬季花火大會》 日期：2026年1月24日至2月23日，每個星期六、星期日以及2月23日舉行 時間：20:00至20:20 地點：請按此 交通方法：乘坐河口湖旅遊巴士紅線，在河口湖香草堂下車
日本花火大會 | 5. 北海道洞爺湖温泉冬花火
冬天好多人都會去北海道浸溫泉，而洞爺湖將於2026年2月舉辦共十場「北海道洞爺湖温泉冬花火」。煙花會於洞爺湖上空綻放長達8分鐘，伴隨住動人嘅音樂與皚皚白雪，大家可以一邊浸溫泉、一邊欣賞煙花，享受冬季獨有嘅浪漫氛圍～
【INFO】 北海道洞爺湖温泉冬花火 地點：北海道洞爺湖町洞爺湖温泉29 日期：2026年2月3日至12日 時間：晚上20:30 交通方法：從札幌站乘搭特急列車至「洞爺站」，轉乘道南巴士至洞爺湖溫泉 官方網站：https://bitly.cx/ke1g0
日本花火大會 | 6. 熱海海上煙火大會
熱海海上煙火大會被列為日本三大煙火大會之一，約有3,000枚煙火被發射。作為夏季嘅風物詩，深受唔少旅客嘅喜愛，吸引咗嚟自全國各地嘅旅客嚟參觀。最特別嘅係熱海灣嘅三面被群山環繞，地理形態使得海上煙火與音樂嘅共振，彷彿就好似聽緊大型音樂會嘅音響效果，絕對值得去！
【INFO】 《熱海火大會》 日期及時間： 2026年4月26日、2026年5月24日、2026年7月20日、2026年7月26日、2026年8月5日、2026年8月9日、2026年8月18日、2026年8月24日、2026年9月13日、2026年10月12日、2026年10月25日、2026年11月8日、2026年11月23日、 2026年12月6日、 2026年12月25日 地址：静岡県熱海市渚町地先 親水公園ほか 交通： 搭乘JR東海道新幹線（Kodama號）約50分鐘，或 搭乘JR東海道線約1小時50分鐘（搭乘特急Odoriko號約1小時20分鐘）
日本花火大會 | 7. 長岡花火大會
長岡花火大會喺每年嘅8月2日及3日喺新潟縣長岡市舉行，更被譽為日本三大煙火大會，規模壯觀之餘更係人生必睇嘅煙火之一！長岡花火大會係為悼念喺第二次世界大戰中殉難嘅市民，並祈願世界和平而舉辦，當中最特色嘅係「正三尺玉」煙火，喺空中綻放直徑約650m嘅巨大絢麗花朵。其次亦有菊花、花束、尼加拉瀑布等圖案，壯觀嘅煙火表演！
【INFO】 《長岡花火大會》 日期：2026年8月2日及3日 地址：〒940-0062 新潟縣長岡市大手通2-6 官方網站：https://bit.ly/4qpNObC
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
