台灣機場 | 趁小朋友放暑假，相信已經有唔少家庭已經計畫好同小朋友去旅行，不過如果準備去台灣嘅朋友仔就要小心啦！台灣機場就提醒如果大家平時有用開呢款夏日神器，無論係放係手提行李定係寄艙都唔得，即刻睇睇邊樣物品唔帶得！
圖片來源：網上圖片、桃園國際機場| 撰文：Hedy
相信近期天氣炎熱，大家出街都一定會必備一把手持式風扇仔，喺炎炎夏日冇咗佢簡直就係生存唔到！不過去旅行如果想帶埋風扇，就一定要留意當地機場禁帶啲咩！以台灣桃園機場為例，淨係上個月已經截獲咗4,000幾件含有鉛酸電池嘅手持式電風扇，由於呢類產品容易因碰撞產生膨脹或爆炸，係禁止Hand carry同寄艙，大家一定要留意！
鉛酸電池手持式電風扇
大家聽完之後都未必清楚咩叫含有鉛酸電池嘅手持式電風扇，鉛酸電池其實就係通常以方形為主嘅一大舊黑色電池，重量通常都係較重。由於鉛酸電池嘅成本畀鋰電池低，加上風力亦夠強勁，所以市面上都仲有含鉛酸電池嘅手持式電風扇，記得唔可以帶去機場～
其他風扇可唔可以帶？
而平時大家如果見到用鋰電池嘅風扇，或者係USB叉電嘅風扇又可唔可以帶？其實大家只要同尿袋一樣，擺係Hand Carry行李上面都冇問題，不過詳細都要睇翻唔同機場嘅規定，但就記得絕對唔可以寄艙！
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
