年尾又到，又係各大品牌推出福袋嘅時候！今年日本麥當勞同日本服飾品牌BEAMS推出2025年福袋系列精品，包括「巨無霸提燈」、「滑嘟嘟、小飛飛同漢堡神偷造型嘅薯條夾」同、收納小袋等，每一款都超級可愛啊！

圖片來源：官方圖片｜撰文：Sharon

麥當勞 x BEAMS推2025年福袋。（圖片來源：官方圖片）

日本麥當勞同BEAMS合作，推出2025年福袋！當中最吸引大家一定係呢款「巨無霸提燈」，外型同巨無霸完全無分別，連漢堡扒、芝士、生菜、芝麻同醬料都完美還原！開燈後感覺超唯美，放喺屋企作擺設一流！

巨無霸提燈。（圖片來源：官方圖片）
巨無霸造型超可愛！（圖片來源：官方圖片）

另外，小編大推「滑嘟嘟、小飛飛同漢堡神偷造型嘅薯條夾」，平時食薯條最怕雙手搞到油笠笠，有咗呢個懶人必用嘅薯條夾就非常方便，而且造型非常可愛又精緻，值得入手！除咗巨無霸提燈、薯條夾，福袋仲有好多實用小物，包括收納小袋及清潔布。不過今次嘅福袋購買名額係抽籤制，如果香港都有機會買到就好喇～

滑嘟嘟、小飛飛同漢堡神偷造型嘅薯條夾。（圖片來源：官方圖片）
收納小袋。（圖片來源：官方圖片）

——————————————————

Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk