有「雪之妖精」之稱嘅北海道祥物銀喉長尾山雀，外型白雪雪超可愛！最近一位日本創作家創作咗一款山雀造型嘅大福，真係可愛到唔捨得食啊，唔知有冇可能商品化呢？

圖片來源：X@issikazu20｜撰文：Sharon
銀喉長尾山雀生長於日本北海道，並有「雪之妖精」之稱，係日本身型最細嘅雀鳥，全長約14厘米，其中一半係尾巴。當冬天來臨時，羽毛會轉為白色，身體亦都變得圓滾滾，肥嘟嘟勁得意！
日本創作家經常會分享唔少創意作品，最近呢款山雀造型嘅大福引起大家嘅討論！大福完美還原銀喉長尾山雀嘅造型，質地Q彈又可愛！真係見到都唔捨得食呀！相信如果商品實體化嘅話，絕對係手信之選啊！
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk