迪士尼探險號 | 終於都等到全新迪士尼遊輪「迪士尼探險號」啟航喇！今年3月10號將會喺新加坡開始啟航，等大家都可以一次過暢玩7大主題區域！即刻入內文睇介紹同詳情喇！
圖片來源：官方圖片 | 撰文：Hedy
全新迪士尼遊輪「迪士尼探險號」經已喺新加坡啟航，大家都可以盡情享受4日3夜至5日4夜嘅奇幻旅程。迪士尼遊輪總重達20萬8,000噸，載客量約6,700人，可以容納唔少旅客！「迪士尼探險號」有齊7大主題區域，將迪士尼、皮克斯和漫威將熱門故事與奇妙幻想注入其中，超適合一家人一齊去～即刻睇以下介紹喇！
迪士尼探險號價錢｜房型及價錢
迪士尼探險號設有沒有窗戶嘅「內艙房」、「海景房」、「露台房」以及「禮賓艙房與套房」4大類別，亦有《阿拉丁》、《冰雪奇緣》、《小美人魚》和《復仇者聯盟》等電影主題滿足各種需求嘅人士。以下為Disney Cruise 迪士尼遊輪3晚航程價錢參考，由即日起至3月31日，經Klook預訂迪士尼探險號嘅用戶即送150美元（約HK$1100）嘅Klook優惠碼，適用於新加坡旅遊產品，數量有限，送完為止。
- 內側客房 HK$3,770起
- 海景客房 HK$4,434起
- 露台房 HK$4,821起
- 禮賓套房HK$8,457起
迪士尼探險號主題區域｜1. Disney Imagination Garden
迪士尼探險號入面嘅戶外露天花園，以剪紙風格嘅園林景觀，再加上唔同植物嘅配搭，打造出一座三層樓高、童話書城堡嘅藝術建築。入面更有劇場舞台、2間快餐店、1間酒吧以及花園景觀客房。每日都有唔同現場表演嘅「Garden Stage」包括Avengers Assemble!《復仇者聯盟》同Marvel英雄和反派人物故事等。
迪士尼探險號主題區域｜2. Disney Discovery Reef
以華特迪士尼動畫工作室和皮克斯動畫工作室嘅經典水系角色和海洋故事，當中包括《小魚仙》、《海底奇兵》、《星際寶貝》及《盛夏友晴天》，為家庭提供玩樂、購物和餐飲嘅一個休閒場所。
迪士尼探險號主題區域｜3. San Fransokyo Street
受華特迪士尼動畫工作室 (Walt Disney Animation Studios) 所製作嘅《大英雄聯盟》動畫啟發，以舊金山和東京嘅元素融合，打造出獨具匠心嘅家庭娛樂區域，設有各種互動遊戲、商店、影院。另外大家仲有機會偶遇可愛嘅醫療用機器人——大白！
迪士尼探險號主題區域｜4. Wayfinder Bay
一個靈感嚟自迪士尼《魔海奇緣》嘅露天休閒場所，設有游泳池、酒吧同寬敞嘅露天劇場座位。更可以作為獨特嘅表演場所，呈現《Moana: Call of the Sea》等精彩現場表演及互動活動。
迪士尼探險號主題區域｜5. Town Square
Town Square係為頌揚迪士尼各個魔法王國的皇室成員打造嘅神奇之地，其靈感源自《魔髮奇緣》、《灰姑娘》、《冰雪奇緣》、《白雪公主》以及《公主與青蛙》等電影中嘅奇幻世界。Town Square 設有經典嘅Walt Disney Theatre，全天上演精彩絕倫的百老匯風格音樂劇，亦係遊輪內嘅主要室內娛樂中心。Enchanted Summer Restaurant 設有《魔髮奇緣》和《冰雪奇緣》主題餐廳、主題酒吧、豪華咖啡廳、富有創意嘅沙龍以及首家海上World of Disney®商店等零售場所。
迪士尼探險號主題區域｜6. Marvel Landing
一場激動人心嘅探險之旅正在Marvel Landing等緊你！呢片區域靈感源自漫威宇宙中嘅經典超級英雄，係一個獨一無二嘅海上探險區！呢度有全球海上最長嘅過山車 Ironcycle Test Run，長達250米，感受一把風馳電掣般嘅速度。 Pym Quantum Racers可以駕駛採用蟻人科技改裝嘅迷你賽車喺巨型玩具軌道上飛馳。大家更可以喺Groot Galaxy Spin 上一飛沖天，亦可以喺日光浴甲板上放鬆身心，跳進無邊際泳池，或喺酒吧享用小吃和飲料。
迪士尼探險號主題區域｜7. Toy Story Place
踏入奇幻嘅水上遊樂區，呢座充滿活力嘅玩具樂園設有大型家庭泳池、多條高聳水滑梯和互動式嬉水區等一系列水上遊樂設施！日光甲板和觀景台設有充裕的座椅，另有兩個超大螢幕，全天候放映迪士尼電影及知識問答等精彩內容，等大家放鬆身心！
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
