講到澳門美食，除咗葡撻同豬扒包，其實海鮮都好出色！小編特別精選7間澳門抵食海鮮餐廳，等大家跟住呢份清單，食得滿足又唔傷荷包，即睇以下介紹啦！
圖片來源：小紅書@Cda、小紅書@LeungCK、Openrice@smiling_yvonne、小紅書@0152、Openrice@Tracy_Cce、Facebook@李家鮮味廚房、Openrice@lovecath | 撰文：Icy
澳門海鮮餐廳| 1. 谷田富海鮮火鍋
「谷田富海鮮火鍋」係唔少街坊私心推薦嘅老字號大排檔，幾乎晚晚滿座。餐廳主打多款即叫即製嘅生猛海鮮，龍蝦、生蠔、扇貝、花甲、活魚等一應俱全。店員仲會幫手剪開海鮮殼，方便又細心。除咗海鮮，招牌骨湯同樣大受歡迎。湯底奶白濃郁，用豬骨、雞腳慢火熬製，滿滿骨膠原，再加入冬瓜、粟米等配料，味道清甜又滋補～
【INFO】 谷田富海鮮火鍋 地址：澳門筷子基沙梨頭南街101號運順新村 營業時間：星期一至日 17:00-04:00
澳門海鮮餐廳| 2. 一哥美食
「一哥美食」嘅招牌水蟹粥可謂當地人心目中嘅必食宵夜，幾乎晚晚都見到門外大排長龍。每一鍋粥都落足料，大大隻新鮮黃沙蟹即叫即煮，蟹肉肥美多膏，而粥底熬得綿密細滑，完美吸收蟹嘅精華，入口鮮甜暖胃。餐廳仲供應多款鑊氣小菜，例如椒鹽九肚魚、避風塘炒膏蟹等，人均約$200就可以食得滿足～
【INFO】 一哥水蟹粥 地址：澳門筷子基沙梨頭南街101號運順新村 營業時間：星期一至日 19:00-03:30
澳門海鮮餐廳| 3. 誠昌飯店
「誠昌飯店」係官也街開業超過60年嘅老字號中菜館，招牌水蟹粥熬得綿密細滑，上面鋪滿大膏蟹，蟹鮮精華連同蟹膏蟹黃滲入粥底。小碗價錢大約$200頭，但份量相當多，足夠兩三個人一齊開心share。另外仲有金沙大蝦、生炸鯪魚球、豉汁蒸大鱔等人氣茶式，款款都夠鑊氣！
【INFO】 誠昌飯店 地址：澳門氹仔舊城區官也街28-30號 營業時間：星期一至日 12:00-23:30
澳門海鮮餐廳| 4. 沙梨頭街市
講到澳門海鮮集中地，一定唔少得「沙梨頭街市」。由於位置靠近內港，所以每日清晨都有多款新鮮海產直送到場。街市環境整潔企理，客人可以一邊嘆海鮮，一邊欣賞內港海景。除咗中式鑊氣小炒，仲有日式刺身、東南亞菜式等選擇，大部分價錢都算合理。客人亦可以即場揀海鮮，再交由餐廳加工，想清蒸、爆炒定椒鹽都得！
【INFO】 沙梨頭街市 地址：澳門爹美刁施拿地大馬路230號 營業時間：星期一至日 07:00-19:00
澳門海鮮餐廳| 5. 蟹皇撈
「蟹皇撈」顧名思義主打蟹黃美食，例如蟹黃撈飯、蟹黃撈麵、蟹黃肉夾饃等。蟹黃蟹肉份量十足，醬汁鹹香而不膩，撈飯食嘅話每啖都吸收晒濃濃蟹鮮，而且仲可以添飯！蒜香卜卜蜆都好值得一試，處理得幾乾淨，粒粒都夠飽滿惹味，好適合同朋友一齊分享～
【INFO】 蟹皇撈 地址：澳門筷子基白朗古將軍街9號宏豐大廈地下L號舖 營業時間：星期一至日 11:30-21:00
澳門海鮮餐廳| 6. 李家鮮味廚房
「李家鮮味廚房」主打平靚正嘅蒜蓉卜卜蜆煲，一大煲都只係大約$120，卜卜蜆粒粒大大隻，鮮甜無腥味，加埋惹味嘅蒜蓉同辣椒，香氣撲鼻。大家仲可以自由加料打邊爐，生蠔、魷魚、蝦滑、鮑魚等等任你配搭。鮮菇湯底本身已經好清甜，吸收晒海鮮精華，愈食愈滋味！
【INFO】 李家鮮味廚房 地址：澳門連勝馬路53號 營業時間：星期一至日 09:00-04:00
澳門海鮮餐廳| 7. mezza9
如果想用一個價錢就可以盡情歎海鮮，「mezza9」真係唔少人心目中嘅「澳門最強自助餐」，人均$799無限任食多款貴價海鮮，包括石斑魚、扇貝、花甲、生蠔、鮑魚等等。當中最吸引一定係任食波士頓龍蝦，肉質鮮甜彈牙。最正係客人可以自選烹調方法，無論清蒸、炭燒、蒜炒、薑蔥炒、避風塘定芝士焗都得，足足有14種煮法，性價比相當高！
【INFO】 mezza9 地址：澳門路氹連貫公路新濠天地澳門君悦酒店3樓 營業時間：星期一至日 18:00-21:00
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
