嚟到日本旅行，除咗Shopping同嘆美食，仲可以參觀充滿藝術感嘅美術館！位於日本廣島縣嘅尾道市，有一座被譽為「世界最美美術館」之一嘅美術館——下瀬美術館（Shimozima Museum of Art）！美術館主建築由一個玻璃立方體，矗立喺瀨戶內海旁，周圍仲有森林同山水，滿滿嘅大自然氣息！
圖片來源：IG@simose_artmuseum｜撰文：Sharon
日本廣島縣嘅尾道市嘅「下瀬美術館」，被譽為「世界最美美術館」之一，曾經喺2024年凡爾賽獎（Prix Versailles）嘅「Museums」類別中，成為全球7大最美美術館之一！當中水池上嘅8個彩色玻璃貨櫃水上藝廊最為特別，日夜都有唔同嘅效果，並設有可移動嘅牆壁，可以令每個展覽轉變為多樣化空間，吸引唔少喜歡藝術嘅朋友同旅客前來！
除咗睇美術品仲有另一個打卡位，就係可以俯瞰大海嘅「Boyo Terrace展望台」，大家嚟到可以欣賞到絕美嘅海景，仲可以從上而下欣賞彩色玻璃貨櫃展廳，視覺效果非常震撼！
另外，下瀬美術館內仲有一個「Émile Gallé的花園」。由法國新藝術玻璃藝術家命名，作品以大自然為主題，仲種植唔少Émile Gallé作品中出現嘅花卉！去旅行想感受自然與藝術嘅美嘅朋友記得Bookmark！下次嚟日本又有多個好去處喇！
【INFO】 地址：広島県大竹市晴海2丁目10-50 營業時間：09:30–17:00（逢星期一休息）
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
